فيديو: استخدام نسبة جيب التمام لإيجاد قياسات الزوايا في المثلثات القائمة الزاوية

ﺃﺏﺟ مثلث قائم الزاوية في ﺏ فيه ﺃﺏ = ٢٦ سم، ق∠ﺃ =٦٤°‎. أوجد طول القطعة المستقيمة ﺃﺟ لأقرب رقمين عشريين.

٠١:٣٢

‏نسخة الفيديو النصية

أ ب ج مثلث قائم الزاوية في ب. فيه أ ب يساوي ستة وعشرين سنتيمتر. قياس الزاوية أ يساوي أربعة وستين درجة. أوجد طول القطعة المستقيمة أ ج لأقرب رقمين عشريين.

هنرسم رسمة توضيحية للمثلث أ ب ج. نعرف في المثلث ده إن قياس الزاوية ب بيساوي تسعين درجة. وقياس الزاوية أ بيساوي أربعة وستين درجة. وطول القطعة المستقيمة أ ب بيساوي ستة وعشرين سنتيمتر.

عايزين نجيب طول القطعة المستقيمة أ ج. أ ج هو الوتر. وبالنسبة للزاوية اللي عندنا اللي هي الزاوية أ، ب ج هو المقابل، وَ أ ب هو المجاور. نعرف المجاور ونعرف قياس الزاوية وعايزين نجيب الوتر. يبقى هنستخدم جيب التمام.

جيب التمام للزاوية أ. جتا أ بيساوي المجاور على الوتر. جتا أ قياس الزاوية أ بيساوي أربعة وستين درجة. جتا أربعة وستين بيساوي المجاور أ ب اللي هو ستة وعشرين سنتيمتر، على الوتر أ ج. ومن هنا أ ج هيساوي ستة وعشرين على جتا أربعة وستين. وهيبقى طول القطعة المستقيمة أ ج لأقرب رقمين عشريين، بيساوي تسعة وخمسين وواحد وتلاتين من مية سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.