فيديو السؤال: تحديد إذا ما كان الخطان المستقيمان متوازيين أو متعامدين الرياضيات • الصف الثالث الإعدادي

نسخة الفيديو النصية

للخطين أ وَ ب ميلان سالب تلاتة على خمسة وخمسة على تلاتة على الترتيب. هل الخطان متوازيان أم متعامدان؟

لازم نعرف إيه الحالات اللي بيبقى فيها الخطين متوازيين أو متعامدين. الخطين بيكونوا متوازيين إذا كان لهما نفس الميل. دي الحالة اللي بيبقى فيها الخطين متوازيين. يعني لو فيه خط ميله م واحد، والخط التاني ميله م اتنين. وكان م واحد بيساوي م اتنين. يبقى الخطين متوازيين.

أما الخطين بيبقوا متعامدين إذا كان حاصل ضرب الميلين م واحد مضروبة في م اتنين بيساوي سالب واحد. يعني لو حاصل ضرب ميل الخط الأول في ميل الخط التاني طلع سالب واحد، يبقى كده الخط متعامدين.

وبالنظر للميلين الموجودين عندنا سالب تلاتة على خمسة وخمسة على تلاتة. هنلاحظ إن الميل مش متساوي. يبقى بكده الخطين مش متوازيين.

ولو ضربنا ميل الخط الأول في ميل الخط التاني هيساوي سالب واحد. وبكده يكون الخطين متعامدين؛ لأن حاصل ضرب الميلين م واحد في م اتنين بيساوي سالب واحد. وبكده هيكون الخطين أ وَ ب اللي ميلهم سالب تلاتة على خمسة وخمسة على تلاتة: خطان متعامدان.