فيديو: إيجاد ارتفاع معين بمعلومية طول قاعدته وطولي قطريه

المعيَّن ﺃﺏﺟد، طول ضلعه ٨٫٥ سم، وطولا قطرَيْه ١٣ سم، ١١ سم. أوجد طول القطعة المستقيمة دو لأقرب جزء من عشرة.

٠١:٤٦

‏نسخة الفيديو النصية

المعيَّن أ ب ج د طول ضلعه تمنية ونصف سنتيمتر، وطولا قطريه تلتاشر سنتيمتر وحداشر سنتيمتر. اوجد طول القطعة المستقيمة د و لأقرب جزء من عشرة.

مساحة المعيَّن نقدر نجيبها بطريقتين: أول طريقة هي بدلالة قُطريه المتعامدين. مساحة المعيَّن بتساوي نصف حاصل ضرب طولا قطريه. والطريقة التانية هي إن مساحة المعيّن بتساوي القاعدة مضروبة في الارتفاع. ولو اخترنا أ ب كقاعدة، الارتفاع العمودي عليها هيبقى د و. ولأن مساحة المعيَّن بتساوي نصف حاصل ضرب طولا قطريه، وبتساوي أيضًا القاعدة في الارتفاع؛ يبقى نصف حاصل ضرب طولا قطريه بيساوي القاعدة مضروبة في الارتفاع.

نصف حاصل ضرب طولا قطريه. القطرين تلتاشر سنتيمتر وحداشر سنتيمتر. يعني نص في تلتاشر في حداشر. ده يساوي القاعدة اللي هي أ ب، والارتفاع العمودي عليها هو د و. أ ب هو ضلع في المعيَّن؛ يعني طوله هيبقى تمنية ونص سنتيمتر. هنقسم الطرفين على تمنية ونص، هيبقى د و بيساوي نص في تلتاشر في حداشر، على تمنية ونص. وهيبقى د و بيساوي مية تلاتة وأربعين على سبعتاشر، وده بيساوي تقريبًا تمنية وأربعة من عشرة سنتيمتر. وهيبقى د و لأقرب جزء من عشرة بيساوي تمنية وأربعة من عشرة سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.