فيديو: إيجاد أيٌّ من النقاط يحقِّق دالة خطية معطاة

أيٌّ من المجموعات الإحداثية الآتية تقع على الدالة د(ﺱ) = −١٩ﺱ − ١٦. [أ] (−٢٠٦، ١٠) [ب] (١٠، −١٦) [ج] (١٠، −٢٠٦) [د] (−٢٠٦، −١٦)

٠٢:٠٣

‏نسخة الفيديو النصية

أيٌّ من المجموعات الإحداثية الآتية تقع على الدالة: د س يساوي سالب تسعتاشر س ناقص ستاشر. وعندنا مجموعة مِ الاختيارات؛ أ: سالب ميتين وستة، وعشرة. ب: عشرة، وسالب ستاشر. ج: عشرة، وسالب ميتين وستة. والاختيار الأخير د: سالب ميتين وستة، وسالب ستاشر.

عندنا الدالة د س؛ د س اللي هي: ص بتساوي سالب تسعتاشر س ناقص ستاشر. أيّ نقطة هي عبارة عن إحداثيان؛ إحداثي سيني، وإحداثي صادي. الإحداثي السيني بيبقى بيتكتب في الأول، والإحداثي الصادي بيتكتب في النهاية في الزوج المرتب اللي بيمثّل النقطة. يعني النقطة اللي بتقع فعلًا على الدالة، لو عوّضنا بالإحداثي السيني في الدالة، هتدّينا الإحداثي الصادي بتاع النقطة؛ فعشان كده هنجرّب النقط.

الدالة ص يساوي سالب تسعتاشر س ناقص ستاشر، هناخد النقطة الأولانية ونعوّض بيها. يبقى النقطة إحداثيها السيني هو: سالب ميتين وستة. ولو عوّضنا في الدالة، هنلاقي إن ص هتساوي … هنلاقي إن ص هتساوي تلات آلاف تمنمية تمنية وتسعين. لكن الإحداثي الصادي للنقطة دي هو: عشرة، يبقى النقطة دي ما بتقعش على الدالة.

نيجي للنقطة التانية اللي الإحداثي السيني فيها عشرة. هناخد الإحداثي السيني ونعوّض بيه في الدالة، هنلاقي إن ص هتساوي سالب ميتين وستة. لكن الإحداثي الصادي للنقطة دي هو: سالب ستاشر، وعشان كده النقطة دي كمان هتبقى مرفوضة.

ناخد النقطة التالتة ونعوّض بالإحداثي السيني بتاعها، اللي هو عشرة؛ هنلاقي إن ص طلعت سالب ميتين وستة. والإحداثي الصادي للنقطة هو: سالب ميتين وستة، يبقى النقطة فعلًا بتقع على الدالة. وهيبقى الاختيار الصحيح هو الاختيار ج: عشرة، وسالب ميتين وستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.