فيديو: طرح الأعداد العشرية

احسب ٨٤٫٠٩٩ − ٤٥٫٠١.

٠١:٣٢

‏نسخة الفيديو النصية

احسب أربعة وتمانين وتسعة وتسعين من ألف ناقص خمسة وأربعين وواحد من مية.

خلينا نُجري عملية الطرح اللي عندنا دي رأسيًّا، هنحط أول عدد عندنا هنبتدي بيه فوق، وبعدين العدد التاني هنحطه تحته، بس ناخد بالنا إن العلامة العشرية لازم تبقى تحت بعض، فالعدد التاني هنكتبه بالشكل ده: خمسة وأربعين وواحد من مية، ونبتدي نعمل عملية الطرح.

تسعة ناقص صفر هيبقى الناتج تسعة، وبعدين تسعة ناقص واحد هيبقى الناتج تمنية، وبعد كده صفر ناقص صفر يبقى زي ما هو صفر، وبعدين هننَزل العلامة العشرية في نفس مكانها. بعد كده نكمل الطرح، أربعة ناقص خمسة، مش هينفع نطرح خمسة من أربعة عشان خمسة أكبر من أربعة، فمحتاجين نستلف واحد من الخانة المكانية اللي قبلها، اللي هي فيها التمنية، فهتصبح سبعة، والأربعة دي هتصبح أربعتاشر؛ عشان الواحد اللي أخدناه من خانة العشرات لمّا يروح للآحاد هيبقى بعشرة. وأصلًا فيه أربعة في خانة الآحاد، فيبقى كده عندنا أربعتاشر، دلوقتي نقدر نطرح أربعتاشر ناقص خمسة، هيبقى تسعة. وبعدين سبعة ناقص أربعة هيبقى الناتج تلاتة؛ يبقى ناتج عملية الطرح هيبقى تسعة وتلاتين وتسعة وتمانين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.