فيديو: استخدام خواص متوازي الأضلاع لحَلُّ المسألة

أوجد طول القطعة المستقيمة ﺟد، القطعة المستقيمة دﺃ.

٠١:٣٠

‏نسخة الفيديو النصية

أوجد طول القطعة المستقيمة ج د، والقطعة المستقيمة د أ.

ومعطى عندنا الشكل الرباعي اللي قدامنا. فهنلاحظ عندنا إن كل ضلعين متقابلين في الشكل، بيوازي أحدهما الآخَر. وبما إن كل ضلعين متقابلين متوازيين. إذن هيبقى الشكل أ ب ج د متوازي أضلاع. وخلينا نفتكر إن في الشكل متوازي الأضلاع، بتبقى الأضلاع المتقابلة متساوية في الطول.

فبالتالي بما إن معطى عندنا إن أ ب يساوي خمستاشر سنتيمتر. فبالتالي هيبقى ج د بيساوي خمستاشر سنتيمتر. وده لأن الضلعين أ ب، وَ ج د متقابلين. فبالتالي هيبقى ليهم الطول نفسه. وبنفس الطريقة، بما إن معطى عندنا الضلعين د أ، وَ ب ج متقابلين. فبالتالي هيبقى ليهم الطول نفسه.

وبما إن معطى عندنا في الشكل إن طول الضلع ب ج هو تلتاشر سنتيمتر. إذن هيبقى طول الضلع د أ يساوي طول الضلع ب ج، واللي بيساوي تلتاشر سنتيمتر. وبالتالي هتبقى إجابة السؤال: «أوجد طول القطعة المستقيمة ج د، والقطعة المستقيمة د أ؟» هي: ج د يساوي خمستاشر سنتيمتر، وَ د أ يساوي تلتاشر سنتيمتر. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.