فيديو: معرفة المستقيمات المتعامدة

المستقيمان أ، ب متعامدان، ويلتقيان عند (١، ٤). إذا كان ميل المستقيم أ يساوي ٢/٣، فما معادلة المستقيم ب؟

٠٢:٢٥

‏نسخة الفيديو النصية

المستقيمان أ وَ ب متعامدان، ويلتقيان عند: واحد، وأربعة. إذا كان ميل المستقيم أ يساوي تلاتة على اتنين، فما معادلة المستقيم ب؟

محتاجين نفتكر قانون مهم جدًّا علشان نقدر نجاوب على السؤال ده. وقبل ما نقول نَصّ القانون هنفرض إن ميل المستقيم أ يساوي م واحد، وميل المستقيم ب يساوي م اتنين.

القانون بيقول إن م واحد، ميل المستقيم الأول، في م اتنين، ميل المستقيم التاني، يساوي سالب واحد. بس القانون ده ليه شرط إن ما فيش مستقيم من المستقيمين الاتنين اللي عندي يوازي أيًّا من محورَي الإحداثيات س أو ص.

وبما أن م واحد يساوي تلاتة على اتنين، إذن م اتنين يساوي سالب اتنين على تلاتة.

كلنا أكيد فاكرين إن معادلة الخط المستقيم بتتحدّد من حاجتين: ميل المستقيم، ونقطة المستقيم بيمرّ بيها. طبعًا إحنا هنا بنتكلّم على معادلة الخط المستقيم في النظام ثنائي الأبعاد اللي هو نظام المحاور الإحداثية س وَ ص.

شكل المعادلة دي بيتكتب كده: ص ناقص ص واحد يساوي م في، س ناقص س واحد. حيث أن م هو ميل الخط المستقيم، وَ س واحد وَ ص واحد هي النقطة التي يمرّ بها هذا الخط.

ولو جينا نطبّق الكلام ده عَ الخط المستقيم ب. هنلاقي فعلًا إن إحنا عندنا ميله اللي هو سالب اتنين على تلاتة. وعندنا نقطة عليه اللي هي النقطة: واحد، وأربعة. ونقدر بكده إن إحنا نعوّض في المعادلة بتاعة الخط المستقيم اللي إحنا لسه كاتبينها.

وتكون معادلة خط المستقيم ب هي: ص ناقص أربعة يساوي سالب اتنين على تلاتة، في س ناقص واحد. أيّ أن ص يساوي سالب اتنين على تلاتة، في س ناقص واحد؛ زائد أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.