فيديو: إيجاد المضاعف المشترك لمدى عددين معطيين

أوجد عدد الطلاب في أحد الفصول إذا كان مضاعفًا للعددين ٢، ٥، ويقع بين العددين ٩٠ و١١٠.

٠١:٢٠

‏نسخة الفيديو النصية

أوجد عدد الطلاب في أحد الفصول إذا كان مضاعفًا للعددين اتنين وخمسة، ويقع بين العددين تسعين ومية وعشرة.

هنبتدي نكتب أول حاجة مضاعفات العدد اتنين، اللي موجودة ما بين العددين دول؛ تسعين ومية وعشرة. هم دول مضاعفات العدد اتنين اللي أكبر من تسعين وأقل من مية وعشرة.

خلينا نشوف من ما بين المضاعفات اللي عندنا دي اللي هي مضاعفات العدد اتنين، أيّ منهم بيُعتبر كمان مضاعف للعدد خمسة. مضاعفات العدد خمسة لازم خانة الآحاد فيها تبقى يا صفر يا خمسة. فلو بصينا على المضاعفات اللي عندنا؛ اتنين وتسعين لأة خانة الآحاد اتنين. أربعة وتسعين كمان لأة. ستة وتسعين لأة، تمنية وتسعين لأة.

يبقى أول مضاعف ينفع يبقى من مضاعفات العدد خمسة هيبقى مية. لو بصينا ع العدد اللي بعد كده اللي هو مية واتنين، مش من مضاعفات العدد خمسة، ولا مية وأربعة، ولا مية وستة، ولا مية وتمنية؛ عشان كلهم خانة الآحاد فيهم لا صفر ولا خمسة.

يبقى المضاعف الوحيد المشترك بينهم بين تسعين ومية وعشرة هو العدد مية. يعني كده قدرنا نستنتج إن هيبقى فيه مية طالب في الفصل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.