فيديو: إيجاد زمن بَدْء عمل بمعلومية زمن انتهائه ومُدَّته

انتهى عرض فيلم في الساعة ١١:١٨ مساءًا. إذا كانت مدة الفيلم ساعة واحدة و٤٦ دقيقة، فأوجد الوقت الذي بدأ فية الفيلم.

٠٢:١٢

‏نسخة الفيديو النصية

انتهى عرض فيلم في الساعة حداشر وتمنتاشر دقيقة مساء. إذا كانت مدة الفيلم ساعة واحدة وستة وأربعين دقيقة. فأوجد الوقت الذي بدأ فيه الفيلم.

دلوقتي إحنا مُعطى عندنا موعد نهاية العرض الساعة حداشر وتمنتاشر دقيقة. عندنا مدة الفيلم ساعة وستة وأربعين دقيقة، ومطلوب مننا نعرف موعد بداية الفيلم.

الطبيعي إننا لو كان عندنا موعد بداية الفيلم، ونعرف مدة الفيلم فهنجمع المدة دي على البداية بتاعة الفيلم، فهنحصل على موعد النهاية. هنا بقى في السؤال عندنا العكس، عندنا موعد النهاية وعايزين نحصل على موعد بداية العرض. فهنعمل العكس، بدل ما نضيف مدة الفيلم على موعد بداية العرض عشان نعرف موعد النهاية، هنطرح من موعد النهاية مدة الفيلم. فنحصل على موعد بداية العرض.

يعني دلوقتي هنقول حداشر وتمنتاشر دقيقة ناقص واحد وستة وأربعين دقيقة. هنلاحظ حاجة إن الستة وأربعين دقيقة دول أكتر من التمنتاشر. فلمّا نيجي نطرح بالشكل ده مش هنبقى عارفين نطرح. فممكن نعيد كتابة التوقيت بتاع نهاية العرض بشكل آخر. حداشر ساعة دول عبارة عن عشر ساعات وستين دقيقة. فنقدر نكتب الحداشر على إنها عشرة وستين. أما حداشر وتمنتاشر، فهتبقى عبارة عن عشرة، وبعدين ستين زائد تمنتاشر يبقى تمنية وسبعين. فحداشر وتمنتاشر دقيقة هنكتبها بالشكل ده؛ عشرة وتمنية وسبعين دقيقة. ونطرح منها بقى واحد وستة وأربعين دقيقة؛ كده هتبقى سهلة علينا عملية الطرح. هنطرح الدقايق من الدقايق ستة [تمنية] ناقص تمنية [ستة]، هتساوي اتنين. وأربعة [سبعة] ناقص سبعة [أربعة] هتساوي تلاتة. يعني عندنا اتنين وتلاتين دقيقة. وعشرة ناقص واحد هتساوي تسعة. ما ننساش مساءً؛ لأن توقيت نهاية العرض هو كمان كان مساءً.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.