فيديو: تحديد المثلث

استخدم نادر وسارة أشكالًا لصنع صورة شخص. استخدم نادر مثلثات أكثر من التي استخدمتها سارة. أيهما صورة نادر؟ [أ] الشكل ١ [ب] الشكل ٢

٠٢:٠٥

‏نسخة الفيديو النصية

استخدم نادر وسارة أشكالًا لصنع صورة شخص. استخدم نادر مثلثات أكتر من التي استخدمتها سارة. أيهما صورة نادر؟

فيه ولد اسمه نادر، وبنت اسمها سارة. كانوا بيلعبوا بالأشكال، وكوّنوا الشكلين اللي قدامنا دول؛ الشكل ده، والشكل ده. الشكل اللي فيه مثلثات أكتر، هو شكل اللي نادر عمله. فعاوزين نعرف أيّ شكل من دول بتاع نادر.

فهعدّ المثلثات في الشكل الأول، ونعدّ المثلثات في الشكل التاني. والشكل اللي فيه مثلثات أكتر، يبقى هو الإجابة الصح، وهو اللي نادر عمله.

نبصّ عَ الشكل الأول، فيه كام مثلث؟ هنلاقي إن فيه ده، مثلث أهو، واحد. وده كمان مثلث يعني اتنين. يبقى الشكل ده فيه مثلثين. لكن ده مستطيل، وده زيه مستطيل، وده وده كمان إيه؟ مستطيلات، مش مثلثات. يبقى الشكل الأول فيه مثلثين.

نيجي للشكل التاني، هنلاقي الشكل التاني فيه ده، مثلث واحد. وده مثلث، اتنين. وده كمان مثلث، تلاتة. وده كمان مثلث، أربعة. يبقى هنا فيه أربع مثلثات. أما بالنسبة لدول، فدول مستطيلات.

يبقى كده الشكل الأوّلاني ده، فيه مثلثين. والشكل التاني ده، فيه أربعة. والسؤال بيقول لنا إن نادر استخدم مثلثات كتير. يبقى أيّ صورة فيهم بتاعة نادر؛ اللي فيها مثلثين، ولّا اللي فيها أربعة؟ طبعًا اللي فيها أربعة. يبقى هي دي الصورة اللي نادر عملها. وتبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.