تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد محيط مستطيل ومساحته

سوزان فائق

مستطيل تقع رءوسه عند النقاط ﺃ، ﺏ، ﺟ، د التي إحداثياتها (١، ١)، (٤، ٢)، (٦، −٤)، (٣، −٥) على الترتيب. احسب محيط المستطيل ﺃﺏﺟ د لأقرب رقمين عشريين. احسب مساحة المستطيلﺃﺏﺟ د.

٠٣:١٢

‏نسخة الفيديو النصية

مستطيل تقع رؤوسه عند أ و ب و ج و د التي إحداثياتها واحد وواحد، أربعة واتنين، ستة وسالب أربعة، تلاتة وسالب خمسة، على الترتيب، احسب محيط المستطيل أ ب ج د لأقرب رقمين عشريين ثم احسب مساحته.

علشان نحسب محيط المستطيل ومساحته لازم نعرف أطوال أضلاعه، وعلشان نعرف أطوال أضلاعه هنوجد المسافة بين كل نقطتين على المستطيل، فهنحسب المسافة بين النقطتين لو كانت النقطة أ قيمتها س واحد وص واحد، والنقطة ب قيمتها س اتنين و ص اتنين؛ فالمسافة بين النقطتين بيبقى الجذر التربيعي لـ ص اتنين ناقص ص واحد تربيع، زائد س اتنين ناقص س واحد تربيع، هنعوّض بالنقاط اللي موجودة علشان نوجد أطوال أضلاع المستطيل، النقطة أ اللي هي واحد وواحد، و ب أربعة واتنين، هنوجد طول أ ب يبقى الجذر التربيعي لـ ص اتنين ناقص ص واحد تربيع، زائد س اتنين ناقص س واحد تربيع، هتساوي واحد زائد تلاتة تربيع، هتساوي الجذر التربيعي للعشرة، كده أوجدنا أحد أطوال أضلاع المستطيل، هنوجد المسافة ما بين ب و ج علشان نوجد الضلع التاني، هنوجد المسافة ما بين ب و ج؛ يعني هنبقى طول ب ج، هيساوي الجذر التربيعي لـ ص اتنين ناقص ص واحد الكل تربيع، زائد س اتنين ناقص س واحد الكل تربيع، يبقى ب ج هتساوي الجذر التربيعي سالب أربعة ناقص اتنين، يبقى سالب ستة تربيع، زائد ستة ناقص أربعة الكل تربيع، يبقى اتنين تربيع، هتساوي الجذر التربيعي للستة وتلاتين زائد الأربعة يعني هتساوي الجذر التربيعي للأربعين، واللي هي هتساوي اتنين جذر عشرة، كده أوجدنا ضلعين في المستطيل الطول والعرض، نقدر نحسب محيط المستطيل من قانون إن محيط المستطيل بيساوي الطول زائد العرض في اتنين، هيساوي الطول اتنين جذر عشرة زائد العرض جذر عشرة، هنضربهم في اتنين يعني تلاتة جذر عشرة في اتنين يبقى ستة جذر عشرة، هتساوي تقريبًا تمنتاشر وسبعة وتسعين من مية، وهو ده محيط المستطيل المطلوب.

مساحة المستطيل هنوجدها، ومساحة المستطيل بتساوي الطول في العرض، يعني هتساوي اتنين جذر عشرة في جذر عشرة، هتساوي عشرين، وهي دي مساحة المستطيل المطلوبة.