فيديو: نظرية متباينة المثلث

إذا كان أﺏ = ٩٢ سم. أﺟ = ٩١ سم. ﺟﻫ = ﺏد. فاختر العلاقة الصحيحة بين ق∠أﻫد، ق∠أدﻫ. [أ] ق∠أﻫد = ق∠أدﻫ [ب] ق∠أﻫد< ق∠أدﻫ [ج] ق∠أﻫد >ق∠أدﻫ

٠٣:٠٢

‏نسخة الفيديو النصية

إذا كان أ ب يساوي اتنين وتسعين سنتيمتر. وَ أ ﺟ يساوي واحد وتسعين سنتيمتر. وَ ﺟ ﻫ يساوي ب د. فاختر العلاقة الصحيحة بين قياس الزاوية أ ﻫ د، وقياس الزاوية أ د ﻫ. ومعطى عندنا الاختيارات؛ أ: قياس الزاوية أ ﻫ د يساوي قياس الزاوية أ د ﻫ. ب: قياس الزاوية أ ﻫ د أقلّ من قياس الزاوية أ د ﻫ. ﺟ: قياس الزاوية أ ﻫ د أكبر من قياس الزاوية أ د ﻫ. ومعطى عندنا الشكل اللي قدامنا. ومعطى إن أ ب يساوي اتنين وتسعين سنتيمتر. ومعطى إن أ ﺟ بيساوي واحد وتسعين سنتيمتر. ومعطى أيضًا إن ﺟ ﻫ بيساوي ب د. والمطلوب إننا نوجد العلاقة بين قياس الزاوية أ ﻫ د وقياس الزاوية أ د ﻫ.

وفي الأول خلّينا نفتكر من نظريات متباينة المثلث: إذا اختلف طولا ضلعين في مثلث. فأكبرهما في الطول يقابله زاوية أكبر في القياس من قياس الزاوية المقابلة للآخر. يعني لمّا نيجي نشوف الشكل اللي عندنا، بما إن أ ب بيساوي اتنين وتسعين سنتيمتر، وَ أ ﺟ بيساوي واحد وتسعين سنتيمتر. فمعنى كده إن أ ب أكبر من أ ﺟ. وبما إن أ ب أكبر من أ ﺟ، وبما إن معطى أيضًا إن ﺟ ﻫ بيساوي ب د. فمعنى كده إن هيبقى طول الضلع أ د أكبر من طول الضلع أ ﻫ. إذن أ د أكبر من أ ﻫ.

بعد كده لمّا نيجي نشوف المثلث أ د ﻫ، فلمّا هنيجي نطبَّق النظرية اللي عندنا. فبما إن أ د أكبر من أ ﻫ، فزيّ ما عرفنا من النظرية إن الضلع اللي أكبر في الطول بيقابله زاوية أكبر في القياس. فبالتالي بما إن الضلع الأكبر هو أ د، فمعنى كده إن الزاوية اللي بتقابله هي الزاوية أ ﻫ د. هتبقى قياسها أكبر من الزاوية اللي بتقابل الضلع أ ﻫ، واللي هي الزاوية أ د ﻫ. فبالتالي في المثلث أ د ﻫ، بما إن أ د أكبر من أ ﻫ. إذن قياس الزاوية أ ﻫ د، اللي هي الزاوية المقابلة للضلع أ د، أكبر من قياس الزاوية أ د ﻫ، واللي هي الزاوية المقابلة للضلع أ ﻫ. فبالتالي هتبقى هي دي العلاقة بين قياس الزاوية أ ﻫ د، وقياس الزاوية أ د ﻫ.

فلمّا نيجي نشوف الاختيارات اللي عندنا، هيبقى الاختيار ﺟ هو الاختيار الصحيح. لأن قياس الزاوية أ ﻫ د أكبر من قياس الزاوية أ د ﻫ. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.