فيديو: إيجاد العدد الذي يقل بمقدار ١٠ عن عدد مُعطى لإكمال المعادلات

ما العدد الناقص؟ ٤٨ − ؟ = ٣٨

٠١:١٢

‏نسخة الفيديو النصية

ما العدد الناقص؟ تمنية وأربعين ناقص علامة استفهام تساوي تمنية وتلاتين.

عاوزين نعرف شِلنا قد إيه من التمنية وأربعين، علشان تبقى تمنية وتلاتين. تعالوا نقارن بين التمنية والأربعين، والتمنية وتلاتين، ونعرف التغيير اللي حصل ليها. فهنبصّ أول حاجة على خانة الآحاد. هنا تمنية، وهنا تمنية، يبقى إحنا كده ما عملناش أيّ تغيير في خانة الآحاد.

نبدأ بقى دلوقتي نبصّ على خانة العشرات. هنا أربعة، وهنا تلاتة. آه، يبقى العشرات هي اللي اتغيّرت. العشرات كانت أربعة، وبقت تلاتة. إيه اللي جرى فيها؟ قَلِّت. قَلِّت إيه؟ قَلِّت يعني ناقص أهو واحد؛ علشان أربعة ناقص واحد، تلاتة. طب الواحد ده في خانة العشرات، قيمته إيه؟ قيمته عشرة.

يبقى معنى كده إننا قلّلنا من التمنية وأربعين، عشرة؛ علشان يبقى الناتج تمنية وتلاتين. يبقى العدد الناقص عندنا هو العشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.