فيديو: فهم التناسب

النسبة بين طول عادل وطول ماجد هي ٣ : ٤. إذا كان طول ماجد ١٤٤ سم، فما طول عادل؟

٠١:٣٧

‏نسخة الفيديو النصية

النسبة بين طول عادل وطول ماجد هي تلاتة إلى أربعة. إذا كان طول ماجد مية أربعة وأربعين سنتيمتر، فما طول عادل؟

أول حاجة، هنكتب المعطيات المذكورة عندنا في السؤال. زيّ ما مذكور في السؤال، طول عادل على طول ماجد بيساوي تلاتة على أربعة. وهي النسبة المذكورة عندنا في السؤال. بالتعويض عن طول ماجد بمية أربعة وأربعين سنتيمتر. يبقى طول عادل على طول ماجد، بعد التعويض بطول ماجد بمية أربعة وأربعين سنتيمتر، تساوي تلاتة على أربعة.

باستخدام الضرب التبادلي، هنقدر نوجد طول عادل. فبنلاقي إن طول عادل هيساوي مية أربعة وأربعين في تلاتة، على أربعة. بنلاقي إن فيه عامل مشترك أكبر بين البسط والمقام، وهو الأربعة. بنلاقي إن مية أربعة وأربعين على الأربعة الناتج بيكون ستة وتلاتين. وأربعة على الأربعة بيكون الناتج بواحد. يبقى طول عادل هيساوي ستة وتلاتين في تلاتة، هيساوي مية وتمنية سنتيمتر.

يبقى باستخدام النسبة بين طول عادل وماجد، قدرنا نحدّد طول عادل. وهو مية وتمنية سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.