تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قوة الجذب بين جسمين

أحمد لطفي

أوجد قوة الجاذبية بين كُرتين متطابقتين كتلة كلٍّ منهما ٣٫٠١ كجم، إذا كانت المسافة بين مركزيهما ١٥٫٠٥ سم، وثابت الجذب العام ٦٫٦٧ × ١٠^−١١ نيوتن⋅م^٢/كجم^٢.

٠١:٥٤

‏نسخة الفيديو النصية

أوجد قوة الجاذبية بين كُرتين متطابقتين، كتلة كلٍّ منهما تلاتة وواحد من مية كيلوجرام. إذا كانت المسافة بين مركزيهما خمستاشر وخمسة من مية سنتيمتر. وثابت الجذب العام ستة وسبعة وستين من مية، في عشرة أُس سالب حداشر نيوتن في متر تربيع، على كيلوجرام تربيع.

في البداية، القانون المستخدم عشان نقدر نحسب قوة الجاذبية بين كُرتين، بيكون: ق اللي هي قوة الجاذبية. بتساوي ث اللي هو ثابت الجذب العام. مضروب في كتلة الكُورة الأولى. في كتلة الكُورة التانية. الكل مقسوم على المسافة بين الكُورتين تربيع.

وبالتالي لو محتاجين نوجد قوة الجاذبية، فقوة الجاذبية هتساوي … هنعوّض عن ثابت الجذب العام، بستة وسبعة وستين من مية في عشرة أُس سالب حداشر. في … كتلة الكُورة الأولى تلاتة وواحد من مية. في … كتلة الكُورة التانية تلاتة وواحد من مية. الكل مقسوم على المسافة بين مركز الكُرتين، اللي هي خمستاشر وخمسة من مية سنتيمتر.

بس هنلاحظ إن المسافة عندنا بالسنتيمتر، يعني محتاجين نحوّلها لمتر. يعني هنقسمها على مية. فهيكون عندنا خمستاشر وخمسة من مية، على مية؛ الكل تربيع. وبالتالي قوة الجاذبية بين الكُورتين هتساوي اتنين وستمية تمنية وستين من ألف، في عشرة أُس سالب تمنية نيوتن.

يبقى كده قدرنا نوجد قوة الجاذبية بين الكُرتين. وكانت بتساوي اتنين وستمية تمنية وستين من ألف، في عشرة أُس سالب تمنية نيوتن.