فيديو: الزوايا في الهندسة المستوية

أيٌّ من التالي أقرب في القياس إلى الزاوية ﺏﺃﺟ؟ [أ] ١٢٦° [ب] ٤٨° [ج] ٢٢٨°

٠١:٣٥

‏نسخة الفيديو النصية

أيّ من التالي أقرب في القياس إلى الزاوية ب أ ج؟ ومُعطى عندنا الشكل اللي في الصورة ده، وعندنا الاختيارات: مية ستة وعشرين درجة، وتمنية وأربعين درجة، وميتين تمنية وعشرين درجة. فعايزين نشوف أنهي من الاختيارات دي هو الأقرب في القياس للزاوية ب أ ج.

فهنلاحظ من الشكل إن الزاوية ب أ ج أكبر من قياس الزاوية القايمة؛ وبالتالي هيبقى قياس الزاوية ب أ ج أكبر من تسعين درجة؛ فمعنى كده إن الاختيار تمنية وأربعين درجة هيبقى إجابة خاطئة.

وفي نفس الوقت هنلاحظ إن قياس الزاوية ب أ ج أصغر من قياس الزاوية القائمة [المستقيمة]، فبالتالي هيبقى قياس الزاوية ب أ ج أقل من مية وتمانين درجة؛ فمعنى كده إن الاختيار ميتين تمنية وعشرين درجة هيبقى إجابة خاطئة؛ لأنه أكبر من مية وتمانين درجة. فبالتالي هيبقى الاختيار مية ستة وعشرين درجة هو الإجابة الصحيحة.

وبرضو ممكن نلاحظ من الشكل على طول إن الزاوية اللي عندنا ب أ ج، يعني قياسها أكبر من تسعين درجة؛ فمعنى كده إن هي زاوية منفرجة، والزاوية المنفرجة هي الزاوية اللي قياسها أكبر من تسعين درجة، وأقل من مية وتمانين درجة.

فبالتالي هيبقى مية ستة وعشرين درجة هي أقرب في القياس إلى الزاوية ب أ ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.