فيديو: ترتيب الأعمال اليومية

نهال عصمت

يوضح الفيديو طريقة ترتيب الأعمال اليومية حسب وقت حدوثها، والكلمات المستخدمة للتعبير عن الوقت في اليوم الواحد.

٠٢:٠١

‏نسخة الفيديو النصية

ترتيب الأعمال اليومية.

هنبدأ نرتّب الأعمال اليومية اللي بنعملها كل يوم، على حسب وقت حدوثها. هنستخدم كلمات بتعبّر عن الوقت في اليوم. وهي صباحًا وظهرًا ومساءً. عايزين نشوف بعض الأعمال اليومية اللي بنعملها خلال اليوم، ونبدأ نرتّبهم على حسب وقت حدوثهم.

أول حاجة، لمّا بنصحى مِ النوم، بنبدأ نفطر. يبقى أول حاجة بنعملها، هو إننا بنفطر صباحًا، قبل الذهاب إلى المدرسة. يبقى صباحًا، أول حاجة بنعملها، بنفطر. بعد كده، بنرجع من المدرسة، ونبدأ نذاكر في وقت الضهر. يبقى ظهرًا، بنبدأ نذاكر دروسنا. وآخر حاجة في اليوم، يعني في المساء، بنبدأ نغسل أسناننا بعد تناوُل وجبة العشاء؛ عشان ندخل ننام. يبقى في المساء، لازم نغسل أسناننا.

يبقى لو جينا نرتّب الأعمال اليومية، زيّ الفطار، والمذاكرة وغسيل، الأسنان. هنلاقي إن أول حاجة بنعملها صباحًا، هي تناوُل الفطار. يبقى رقم واحد: تناوُل الفطار. بعد كده بنبدأ نذاكر ظهرًا، ونعمل واجباتنا. يبقى رقم اتنين: المذاكرة. وآخِر حاجة في اليوم، يعني مساءً، بنبدأ نغسل أسناننا.

يبقى كده اتكلمنا عن ترتيب الأعمال اليومية، على حسب وقت حدوثها. واستخدمنا كمان الكلمات اللي بنعبّر بيها عن الوقت في اليوم. وهي: صباحًا، وظهرًا، ومساءً.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.