فيديو: تصنيف الأشكال الثلاثية الأبعاد بِناءً على السمات التعريفية

صنَّفت سارة هذه الأشكال إلى مجموعتين. كيف صنَّفت سارة الأشكال؟ [أ] بناءً على اللون. [ب] بناءً على الحجم. [ج] بناءً على شكل الأوجُه المسطحة.

٠٣:١٧

‏نسخة الفيديو النصية

صَنَّفت سارة هذه الأشكال إلى مجموعتين. كيف صَنّفت سارة الأشكال؟ أ: بناءً على اللون. ب: بناءً على الحجم. ج: بناءً على شكل الأوجُه المسطحة.

يعني إيه الكلام ده؟ فيه بنت اسمها سارة، كان معاها مجموعة الأشكال اللي قدامنا في الصورة دي. راحت مقسّماهم لمجموعتين. خدت حبة أشكال حطّتهم في المجموعة واحد، وحبة أشكال حطّتهم في المجموعة اتنين. طيب هي على أيّ أساس قسّمتهم بالشكل ده؟

هل قسّمتهم على حسب اللون؟ لأ طبعًا؛ لأن المجموعة الأولى، الأشكال اللي فيها مالهاش نفس اللون. كل شكل له لون مختلف عن التاني. والمجموعة التانية برضو نفس الكلام. كل شكل له لون مختلف عن التاني. يبقى هي ما قسّمتهمش على حسب الألوان. فبالتالي الاختيار ده هيكون غلط. نشوف اللي بعده.

هل قسّمتهم على حسب الحجم؟ برضو لأ؛ لأن المجموعة الأولى، فيها أشكال صغيرة خالص زي الأخضر ده، وفيها أشكال تانية كبيرة. والمجموعة التانية برضو فيها أشكال صغيرة، وأشكال كبيرة. يبقى المجموعة الأشكال اللي فيها مالهاش نفس الحجم. فبالتالي هي ما قسّمتهمش بناءً على الحجم. وبرضو يبقى الاختيار ده غلط. نشوف آخِر اختيار.

هل هي قسّمتهم بناءً على شكل الأوجُه المسطّحة؟ تعالوا نشوف. لو جينا نبصّ على المجموعة واحد، اللي هي دي. وهنشوف شكل شكل، والوجه المسطّح اللي فيه، على شكل إيه. يعني مثلًا الشكل اللي عندنا ده، ده شكل وجه مسطّح فيه، على شكل مستطيل. وده برضو على شكل مستطيل. وده برضو على شكل مستطيل. يبقى كده المجموعة واحد دي، كل الأوجُه المسطّحة اللي فيها، على شكل مستطيل.

طيب تعالوا كده نشوف المجموعة اتنين. المجموعة اتنين اللي هي دي، الشكل ده عندنا، الوجه المسطّح بتاعه هو ده، على شكل دائرة. والشكل ده، برضو ده الوجه المسطح بتاعه، على شكل دائرة. والشكل ده، برضو الوجه المسطح بتاعه اللي هو الجزء ده، على شكل دائرة.

يبقى كده سارة خدت الأشكال، اللي شكل الأوجُه المسطّحة بتاعتها مستطيل، وحطّتها في المجموعة دي. والأشكال اللي شكل الوجه المسطّح بتاعتهم دائرة، وحطّتها في المجموعة دي. يبقى ده معناه إيه؟ ده معناه إن سارة قسّمت الأشكال بناءً على شكل الأوجُه المسطّحة. وتبقى هي دي الإجابة الصح، اللي إحنا المفروض نختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.