تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: اشتقاق معادلة القطع الناقص بمعلومية إحداثيات الرأس والرأس المرافق

سوزان فائق

قطع ناقص رأسه (١١، ٥) ورأسه المرافق (٦، ٨). المحور الأكبر للقطع الناقص يوازي محور السينات. ما معادلة القطع؟

٠٢:٢٤

‏نسخة الفيديو النصية

قطع ناقص رأسه حداشر وخمسة ورأسه المرافق ستة وتمنية، المحور الأكبر للقطع الناقص يوازي محور السينات، ما معادلة القطع؟

القطع الناقص بيبقى شكله تقريبًا كده، مركزه هـ و ك، وبيبقى فيه المحور الأكبر والمحور الأصغر، الأكبر طوله اتنين أ والأصغر طوله اتنين ب، والرأس والرأس المرافق بيبقى إحداثياتهم بالشكل ده، الرأس هـ زائد أ و ك و هـ ناقص أ و ك، والرأس المرافق بيبقى هـ و ك زائد ب و هـ و ك ناقص الـ ب، معطى في المسألة الرأس حداشر وخمسة والرأس المرافق ستة وتمنية، والصيغة العامة لمعادلة القطع الناقص هي س ناقص الـ هـ الكل تربيع على أ تربيع زائد ص ناقص ك الكل تربيع على ب تربيع بتساوي الواحد، عايزين نوجد الـ هـ والـ ك والـ أ تربيع والـ ب تربيع، بالمقارنة في المعطيات هنلاقي هنا الـ هـ بتساوي ستة والـ ك بتساوي خمسة، والـ هـ زائد أ قيمتها حداشر، والـ ك زائد الـ ب قيمتها تمنية، بمعلومية الـ هـ بتساوي ستة يبقى الـ أ هتساوي الخمسة، ومعلومية الـ ك تساوي خمسة يبقى الـ ب هتساوي تلاتة، بالتعويض في المعادلة العامة للقطع الناقص يبقى س ناقص الـ هـ قيمتها ستة الكل تربيع على الـ أ تربيع يعني خمسة تربيع زائد الـ ص ناقص الـ ك قيمتها خمسة الكل تربيع على الـ ب قيمتها تلاتة، يبقى تلاتة تربيع يساوي واحد، يبقى المعادلة هتبقى س ناقص ستة الكل تربيع على خمسة وعشرين زائد ص ناقص الخمسة الكل تربيع على تسعة تساوي واحد، وهي دي معادلة القطع المطلوبة.