نسخة الفيديو النصية
عندنا في المثال عايزين نوجد مفكوك م زائد أربعة الكل تربيع.
المقدار اللي عندنا، واللي هو م زائد أربعة الكل تربيع، عبارة عن مربع مجموع حدين، واللي بيكون مفكوكه عبارة عن مربع الحد الأول زائد، اتنين في حاصل ضرب الحد الأول في الحد التاني، زائد مربع الحد التاني. فمثلًا لو عندنا مربع مجموع حدين على الشكل: أ زائد ب الكل تربيع، فهيكون مفكوكه عبارة عن أ تربيع واللي هو مربع الحد الأول، زائد اتنين أ ب واللي هو عبارة عن اتنين في حاصل ضرب الحد الأول في الحد التاني، زائد ب تربيع واللي هو مربع الحد التاني.
بنفس الطريقة هيبقى م زائد أربعة الكل تربيع يساوي م تربيع زائد، اتنين في م في أربعة، زائد أربعة تربيع. بالنسبة لاتنين في م في أربعة، فهو يساوي تمنية م. أما أربعة تربيع فهو يساوي ستاشر. بالتالي هيبقى م زائد أربعة الكل تربيع يساوي م تربيع زائد تمنية م زائد ستاشر. بكده يبقى إحنا أوجدنا مفكوك م زائد أربعة الكل تربيع، وهو م تربيع زائد تمنية م زائد ستاشر.
