فيديو: قسمة الأعداد حتى ١٠٠

أكمل: ٧٢ ÷ _ = ٩.

٠١:٣٧

‏نسخة الفيديو النصية

أكمل: اتنين وسبعين على كام يساوي تسعة؟

إيه العدد اللي لمّا نقسم اتنين وسبعين عليه يبقى الناتج تسعة؟ أو لو سألنا السؤال بشكل مختلف؛ التسعة نضربها في كام عشان يبقى الناتج اتنين وسبعين؟ لو عرفنا التسعة لو ضربناها في كام يبقى الناتج اتنين وسبعين، هنعرف نكمل السؤال بتاعنا.

هي تقريبًا كانت التسعة في خمسة؟ تعالوا كده نشوف؛ التسعة في خمسة كانت بخمسة وأربعين، لأ مش هي، إحنا عاوزين اتنين وسبعين. طب نزود كده واحدة؟ تبقى التسعة في ستة، تساوي أربعة وخمسين؛ برضو مش هي. طيب التسعة في سبعة؟ بتلاتة وستين، برضو مش هي. طب التسعة في تمنية؟ التسعة في تمنية باتنين وسبعين. ثواني! الناتج هنا طلع اتنين وسبعين، وهي دي اللي اتنين وسبعين اللي عندنا، فده معناه إن التسعة لمّا نضربها في تمنية يبقى الناتج اتنين وسبعين .

يبقى التسعة في تمنية باتنين وسبعين، وده معناها لو عكسنا وجينا نقول اتنين وسبعين على التمنية هتساوي تسعة. تاني يبقى نقول إيه؟ اتنين وسبعين على التمنية هتساوي تسعة؛ فده معناه إن الناتج اللي المفروض نكتبه هنا هو التمنية؛ لأن التمنية في تسعة باتنين وسبعين، يبقى اتنين وسبعين على التمنية تساوي تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.