تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تكوين المعادلات الأُسية التي تمثِّل نموًّا أُسيًّا وحلها في سياق واقعي

أحمد لطفي

يتكاثر كائن حي بالانشطار الثنائي؛ حيث تنشطر كل خلية لخليتين كل ساعة، فإذا كان عدد الخلايا عند البداية ٢٤٤٣١ خلية، فكم عدد الساعات اللازمة ليصبح عددها ٩٧٧٢٤؟

٠٢:٠٣

‏نسخة الفيديو النصية

يتكاثر كائن حي بالانشطار الثنائي؛ حيث تنشطر كل خلية لخليتين كل ساعة. فإذا كان عدد الخلايا عند البداية أربعة وعشرين ألف ربعمية واحد وتلاتين خلية، فكم عدد الساعات اللازمة ليصبح عددها سبعة وتسعين ألف سبعمية أربعة وعشرين؟

في البداية عندنا المعادلة أ ن بتساوي أ في واحد زائد ر الكل أس ن؛ حيث أ هي القيمة الابتدائية، و ر هي نسبة الزيادة، و ن هو عدد الساعات. وبالتالي بالتعويض هنجد إن أ ن هتساوي … القيمة الابتدائية كانت أربعة وعشرين ألف وربعمية واحد وتلاتين خلية، مضروبة في واحد زائد … معطى الكائن الحي بينشطر كل خلية لخليتين كل ساعة، وبالتالي من الساعة الأولى للساعة التانية هتكون نسبة الزيادة واحد؛ عشان الساعة الأولى كانت خلية واحدة، الساعة التانية هتكون خليتين، وبالتالي الزيادة هتكون واحد، يعني هنعوض عن ر بواحد، الكل أس ن.

يعني أ ن هتساوي أربعة وعشرين ألف ربعمية واحد وتلاتين مضروبة في اتنين أس ن، ومحتاجين نوجد عدد الساعات اللازمة ليصبح عددها سبعة وتسعين ألف سبعمية أربعة وعشرين؛ وبالتالي هنعوض عن أ ن بسبعة وتسعين ألف سبعمية أربعة وعشرين، فهيكون عندنا سبعة وتسعين ألف سبعمية أربعة وعشرين هيساوي أربعة وعشرين ألف ربعمية واحد وتلاتين مضروبة في اتنين أس ن. هنقسم الطرفين على أربعة وعشرين ألف ربعمية واحد وتلاتين، فهيكون عندنا أربعة بتساوي اتنين أس ن. أربعة ممكن نكتبها في صورة اتنين أس اتنين، هتساوي اتنين أس ن؛ وبالتالي قيمة ن هتساوي اتنين؛ يعني عدد الساعات هتكون محتاجين ساعتين.