فيديو: إيجاد العدد الذي يزيد بمقدار ١٠ عن عدد مُعطى لإكمال المعادلات

ما العدد الناقص؟ ١٣ + ؟ = ٢٣

٠١:٢٢

‏نسخة الفيديو النصية

ما العدد الناقص؟ تلتاشر زائد، علامة استفهام، تساوي تلاتة وعشرين.

عاوزين نعرف إيه العدد الناقص هنا، اللي المفروض نحطّه مكان علامة الاستفهام دي. هنبصّ على التلتاشر، ونشوف إيه التغيير اللي حصل لها علشان تبقى تلاتة وعشرين.

التلتاشر تلاتة في الآحاد، والتلاتة وعشرين برضو تلاتة في الآحاد. معنى كده إن إحنا ما قرّبناش لخانة الآحاد، وما غيّرناش فيها أيّ حاجة.

طيب نبصّ كده على خانة العشرات. التلتاشر واحد في خانة العشرات. طب التلاتة وعشرين؟ اتنين في خانة العشرات. يبقى هنا اللي اتغيّر عندنا خانة العشرات؛ كانت واحد، بقت اتنين. يعني إيه كانت واحد وبقت اتنين؟ يعني زوّدنا عليها واحد. مش واحد زائد واحد يساوي اتنين؟ طب وهو الواحد ده في خانة العشرات قيمته إيه؟ قيمته عشرة. يبقى كده نحطّ مكان علامة الاستفهام عشرة.

وبكده نكون جِبنا العدد المجهول أو العدد الناقص. إن تلتاشر لمّا نزوّد عليها عشرة يبقى الناتج تلاتة وعشرين. وإن تلاتة وعشرين أكبر من تلتاشر بمقدار عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.