فيديو: حل المسائل الكلامية التي تتضمَّن مُعدَّل التضاؤل

الدالة ﺹ = ﺃﺏ^ﺱ تمثل تضاؤلًا بنسبة ١٥٪ في كل دورة تمثلها ﺱ. ما قيمة ﺏ؟

٠١:٥١

‏نسخة الفيديو النصية

الدالة ص تساوي أ ب أُس س، تمثّل تضاؤلًا بنسبة خمستاشر في المية في كل دورة تمثّلها س. ما قيمة ب؟

بنلاقي عندنا إن الدالة ص، المذكورة في السؤال، هي معادلة تضاؤل أسّي. وبالتالي لازم نكتب الصورة القياسية لمعادلة التضاؤل الأسي؛ عشان نقدر نحدّد قيمة ب. بنلاقي إن معادلة التضاؤل الأسّي عبارة عن: ص تساوي أ في، واحد ناقص ر، أُس س. وَ أ هي القيمة الابتدائية. وَ ر معدل التغير، وبنكتبه في صورة عدد عشري. وَ س عبارة عن عدد الفترات. وَ ر عندنا هنا، لأن المعادلة هي معادلة تضاؤل أسّي، بتمثّل نقصان.

يبقى من خلال قرايتنا للسؤال، بنلاقي إن التضاؤل بيكون بنسبة خمستاشر في المية، وَ ر بتكتب في صورة عدد عشري. يبقى ر عبارة عن صفر وخمستاشر من مية. بنقسم خمستاشر على مية؛ عشان نقدر نحدّد قيمة ر. وبالتالي يبقى معادلة التضاؤل الأسّي هتكون عبارة عن: ص تساوي أ في، واحد ناقص صفر وخمستاشر من مية لكل أُس س. يبقى ص هتساوي أ في، صفر وخمسة وتمانين من مية أُس س.

دلوقتي نقدر نقارن المعادلة اللي إحنا أوجدناها، بالمعادلة المذكورة في السؤال. فبنلاقي عندنا إن قيمة ب هتساوي صفر وخمسة وتمانين من مية. يبقى الإجابة النهائية: ب هتساوي صفر وخمسة وتمانين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.