تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مساحة مثلث قائم الزاوية بمعلومية محيطه

نهال عصمت

محيط المثلث الموضَّح في الشكل يساوي ١٢٠ سم. ما مساحته؟

٠٢:٤٥

‏نسخة الفيديو النصية

محيط المثلث الموضّح في الشكل يساوي مية وعشرين سنتيمتر. ما مساحته؟

هنلاحظ في المثلث الموجود قدّامنا، عندنا أطوال الأضلاع بس موجود فيها مجهول، وهو أ. وبالتالي عشان نقدر نحسب المساحة، محتاجين نعرف قيمة أ. هنقدر نحسبها من محيط المثلث. محيط أيّ مثلث هو مجموع أطوال أضلاعه. هنبدأ نعوّض في القانون. عندنا محيط المثلث هو مية وعشرين، معطى في السؤال. هيساوي … مجموع أطوال الأضلاع، يبقى عشرة أ زائد تلاتين، زائد عشرين أ، زائد خمستاشر أ.

مية وعشرين هتنزل زيّ ما هي، هيساوي … هنجمّع الحدود المتشابهة. عندنا عشرة أ، وعشرين أ، وخمستاشر أ، بخمسة وأربعين أ. زائد تلاتين هتنزل زيّ ما هي. عشان نقدر نحسب قيمة أ، هنبدأ نطرح تلاتين من الطرفين. هيبقى عندنا مية وعشرين ناقص تلاتين، هتساوي خمسة وأربعين أ. وبالتالي نقدر نقول إن مية وعشرين ناقص تلاتين، بتسعين. هتساوي خمسة وأربعين أ. عشان نحسب قيمة أ، هنقسم الطرفين على خمسة وأربعين، وبالتالي قيمة أ هتساوي اتنين. يبقى قدِرنا نحسب قيمة أ.

بعد كده هنبدأ نستخدم أ في حساب أطوال الأضلاع. هنعوّض عن أ باتنين. يبقى عشرة في اتنين، زائد تلاتين بخمسين. يبقى الضلع الأول خمسين. بعد كده عندنا عشرين أ، عشرين في اتنين بأربعين. وبعد كده عندنا خمستاشر أ، يعني خمستاشر في اتنين بتلاتين. يبقى كده قدِرنا نحسب التلات أضلاع.

بعد كده مطلوب منّنا نحسب مساحة المثلث. مساحة المثلث تساوي نُصّ في طول القاعدة في الارتفاع العمودي عليها. يبقى هيساوي نُصّ في طول القاعدة اللي هو أربعين في الارتفاع العمودي عليها اللي هو تلاتين. وبالتالي مساحة المثلث هتساوي ستمية سنتيمتر مربع. وبكده قدِرنا نحسب مساحة المثلث.