فيديو: تصنيف الأشكال الرباعية بِناءً على الخواص المُعطاة

يرسم فادي شكلًا رباعيًّا له ٤ أضلاع متساوية، وليست له زوايا قائمة. ما نوع هذا الرباعي؟ [أ] مثلث [ب] مربع [ج] مكعب [د] مستطيل [ﻫ] معيّن

٠٢:٢٥

‏نسخة الفيديو النصية

يرسم فادي شكلًا رباعيًّا له أربع أضلاع متساوية، وليست له زوايا قائمة. ما نوع هذا الرباعي؟ ومعطى عندنا الاختيارات. أ: مثلث. ب: مربع. ج: مكعب. د: مستطيل. ﻫ: معيّن.

فنلاحظ إن معطى عندنا في السؤال إن فادي بيرسم شكلًا رباعيًّا. فمعنى كده إن فيه عندنا اختيارات هنستبعدها. وأول اختيار هنستبعده هو الاختيار أ: مثلث؛ لأن المثلث شكل ثلاثي وليس شكل رباعي. وهنستبعد برضو المكعب اللي هو الاختيار ج؛ لأن المكعب هو مجسّم له ستة أوجه.

بعد كده لمّا نيجي نشوف السؤال، هنلاحظ إن عندنا يرسم فادي شكلًا رباعيًّا له أربع أضلاع متساوية. وبما إن معطى عندنا إن الشكل ده له أربع أضلاع متساوية، فبالتالي هنستبعد الاختيار د اللي هو مستطيل. وده لأن في المستطيل بيبقى كل ضلعين متقابلين بيبقى ليهم الطول نفسه. وفي نفس الوقت بتبقى جميع زواياه قائمة. وبالتالي هيبقى الاختيار د اختيار خاطئ.

فبعد كده هيتبقّى عندنا اختيارين اللي هم: الاختيار ب؛ مربع. والاختيار ﻫ؛ معيّن. فلمّا نيجي نكمّل قراية السؤال، هنلاحظ إن الشكل رباعي له أربع أضلاع متساوية، وليست له زوايا قائمة.

فلمّا نيجي نشوف الاختيار ب اللي هو مربع. فخلّينا نفتكر إن المربع بيبقى جميع أضلاعه متساوية في الطول. وفي نفس الوقت بتبقى جميع زواياه زوايا قائمة. لكن الشكل اللي عندنا في السؤال هو شكل له أربع أضلاع متساوية، وليست له زوايا قائمة. فمعنى كده إن الاختيار ب: مربع اختيار خاطئ؛ وده لأن المربع بيبقى جميع زاوياه قائمة.

فبالتالي هيبقى آخِر اختيار عندنا اللي هو الاختيار ﻫ: معيّن. فهيبقى المعيّن هو الاختيار الصحيح؛ لأن المعيّن بيبقى شكل رباعي له أربع أضلاع متساوية في الطول، ولكن زاوياه ما بتبقاش زوايا قايمة.

وبالتالي هتبقى إجابة السؤال: «ما نوع هذا الرباعي؟» هو معيّن. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.