فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال الثالث عشر

امتحان الفزياء الدور الثاني للعام السابق • ٢٠١٨/٢٠١٧ • السؤال الثالث عشر

٠٢:٢١

‏نسخة الفيديو النصية

يوضِّح الشكل التالي أحد انتقالات إلكترون في ذرة هيدروجين. احسب الطول الموجي للفوتون المنبعث.

الشكل بيوضَّح انتقال الإلكترون من مستوى الطاقة التالت، اللي طاقته بتساوي سالب واحد وواحد وخمسين من مية إلكترون فولت. إلى مستوى الطاقة الأول اللي طاقته بتساوي سالب تلتاشر وستة من عشرة إلكترون فولت. ومُعطى إن ثابت بلانك بيساوي ستة وستمية خمسة وعشرين من ألف في عشرة أُس سالب أربعة وتلاتين جول في الثانية. وسرعة الضوء في الفراغ بتساوي تلاتة في عشرة أُس تمنية متر لكل ثانية. وشحنة الإلكترون بتساوي واحد وستة من عشرة في عشرة أُس سالب تسعتاشر كولوم. والمطلوب نحسب الطول الموجي للفوتون المنبعث.

عندما ينتقل إلكترون من مستوى طاقة أعلى إلى مستوى طاقة أقلّ، بيفقد طاقة على شكل فوتون طاقته بتساوي فرق الطاقة بين المستويين. وفرق الطاقة بين المستويين بيساوي طاقة المستوى الأعلى، اللي هو في الحالة دي المستوى التالت. ناقص طاقة المستوى الأقل اللي هو في الحالة دي المستوى الأول.

وبالتعويض عن 𝐸 تلاتة وَ 𝐸1، Δ𝐸 هتساوي سالب واحد وواحد وخمسين من مية إلكترون فولت ناقص سالب تلتاشر وستة من عشرة إلكترون فولت. هنختصر السالب مع السالب، فالإشارة هتبقى موجب. فهتبقى 𝐸 بتساوي اتناشر وتسعة من مية إلكترون فولت. إذن طاقة الفوتون هتساوي اتناشر وتسعة من مية إلكترون فولت.

وبما أن طاقة الفوتون بتساوي حاصل ضرب ثابت بلانك في سرعة الضوء في الفراغ الكل على الطول الموجي للفوتون. وبضرب طرفَي المعادلة في 𝜆 على 𝐸𝑃، إذن 𝜆 هتساوي ℎ𝑐 على 𝐸𝑃. وبالتعويض عن قيم المعطيات اللي معانا. 𝜆 هتساوي ستة وستمية خمسة وعشرين من ألف. في عشرة أُس سالب أربعة وتلاتين جول ثانية. في تلاتة في عشرة أُس تمنية متر لكل ثانية. الكل على اتناشر وتسعة من مية إلكترون فولت.

وعشان نوصَّل الوحدات لأبسط صورة، هنحوِّل إلكترون فولت لجول، ونضرب في شحنة الإلكترون. فنقدر نختصر الجول مع الجول والثانية مع الثانية. إذن 𝜆 هتساوي واحد وسبعة وعشرين من ألف في عشرة أُس سالب سبعة متر.

وبكده يبقى حسبنا الطول الموجي للفوتون المنبعث.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.