فيديو: إيجاد مجموعة حل متباينة خطية تتضمَّن أعدادًا صحيحة

أوجد مجموعة حل المتباينة −٦ﺱ ≤ ٠ في ﺹ.

٠١:١٤

‏نسخة الفيديو النصية

أوجد مجموعة حل المتباينة: سالب ستة س أصغر من أو يساوي صفر؛ في ص.

ناخد بالنا إن المتباينة اللي قدامنا دي، مجموعة الحل بتاعتها بتنتمي إلى ص. اللي هي مجموعة الأعداد الصحيحة. وعشان نقدر نوجد مجموعة حل المتباينة، عايزين نخلّي المتغير س في أحد أطراف المتباينة لوحده. فهنقسم طرفَي المتباينة، على سالب ستة.

ناخد بالنا من حاجة مهمة. لمّا بنيجي نقسم أو نضرب المتباينة، في أي عدد سالب. فاللي بيحصل إن إحنا بنعكس علامة المتباينة، بالشكل ده. أمّا الطرف الأيسر من المتباينة، هيبقى صفر على سالب ستة. كده هيصبح عندنا س أكبر من أو يساوي صفر.

وبما إننا بنحل المتباينة دي في ص، أو مجموعة الأعداد الصحيحة. فيبقى إحنا عايزين مجموعة الأعداد الصحيحة، اللي أكبر من أو يساوي صفر. يعني هنبدأ بصفر، وبعدين واحد، اتنين، تلاتة، وهكذا … ولو لاحظنا؛ إن المجموعة دي هي نفسها مجموعة الأعداد الطبيعية ط. يعني نقدر نقول إن مجموعة الحل اللي عندنا، هي مجموعة الأعداد الطبيعية ط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.