فيديو: اختبار الإستراتيجية: حقائق الجمع والطرح المترابطة

نعلم أن ٥ + ٧ = ١٢. ما قيمة ١٢ − ٧؟

٠١:٢٠

‏نسخة الفيديو النصية

نعلم أن خمسة زائد سبعة تساوي اتناشر. ما قيمة اتناشر ناقص سبعة؟

إحنا عارفين إننا لمّا بنيجي نجمع خمسة زائد سبعة، بيكون الناتج اتناشر. طيب لو حبّينا بقى نطرح، ونقول اتناشر ناقص سبعة، الناتج هيكون إيه؟ زيّ بالضبط ما نيجي نقول إن واحد زائد اتنين تساوي تلاتة. طيب تلاتة ناقص اتنين، تساوي إيه؟ واحد.

عملناها إزاي؟ إحنا كنا قايلين إن واحد زائد اتنين تساوي تلاتة. طب التلاتة دي لمّا نشيل منها الاتنين، يتبقّى لنا الـ إيه؟ الواحد.

ده نفس اللي هنعمله في السؤال بتاعنا. إحنا قلنا خمسة زائد سبعة تساوي اتناشر. ودلوقتي هناخد الاتناشر، ونشيل منها السبعة، فهيتبقّى لنا الخمسة. ويبقى الناتج هو خمسة.

يبقى إحنا كده عرفنا إزاي نحلها بمجرد النظر، ومن غير ما نطرحها على إيدينا. قلنا الاتناشر، لمّا نشيل منها سبعة، هيبقى الناتج خمسة. تبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.