فيديو: تحويل الدقائق إلى ساعات

أكمل الفراغات الآتية بأكبر عدد من الساعات والباقي بالدقائق: ٥٩٤ دقيقة = _ ساعة + _ دقيقة.

٠٢:١٣

‏نسخة الفيديو النصية

أكمل الفراغات الآتية بأكبر عدد من الساعات، والباقي بالدقائق: خمسمية أربعة وتسعين دقيقة يساوي نقط ساعة زائد نقط دقيقة.

يعني المطلوب منّنا نعرف الخمسمية أربعة وتسعين دقيقة دول، يكافئوا كم من الساعات، ويتبقّى كم من الدقائق.

إحنا عارفين إن الساعة الواحدة فيها ستين دقيقة. يبقى لو قسمنا عدد الدقايق اللي عندنا، الخمسمية أربعة وتسعين دول، على ستين، هنعرف في كام ساعة صحيحة، وباقي القسمة هيبقى هو ده عدد الدقايق المتبقية. هنعمل دلوقتي عملية القسمة على شكل القسمة المطولة؛ عشان نشوف ناتج القسمة هيبقى هو ده عدد الساعات. أما باقي القسمة فهيبقى عدد الدقايق المتبقية.

نبتدي القسمة، هنقسم. بما إننا بنقسم على عدد بيتكوّن من رقمين، فهنبتدى نقسم من أول رقمين في العدد اللي عندنا. نقسم تسعة وخمسين على ستين، مش هينفع؛ تسعة وخمسين نقسمها على ستين مش هيدّينا عدد صحيح، فهنحتاج نقسم خمسمية أربعة وتسعين على ستين. يعني عايزين نشوف إيه العدد اللي لو ضربناه في ستين، يدّينا أقرب ناتج لخمسمية أربعة وتسعين، ممكن يبقى أقل، بس ما ينفعش يبقى أزيد.

إحنا لو ضربنا العشرة في ستين، هتدّينا ستمية. طب ستمية أكبر من خمسمية أربعة وتسعين، يبقى محتاجين نضرب في عدد أقل شوية من العشرة، فهنضرب في تسعة ونشوف. يعني هنقول خمسمية أربعة وتسعين على ستين، تبقى فيها التسعة، ونضرب تسعة في ستين. تسعة في صفر بصفر، وستة في تسعة بأربعة وخمسين.

بعد كده هنطرح. صفر ناقص أربعة، يبقى أربعة. وأربعة ناقص تسعة، خمسة. وخمسة ناقص خمسة، صفر. كده يبقى انتهينا من عملية القسمة، بناتج قسمة تسعة، اللي هو هيبقى عدد الساعات الصحيحة، هيبقى تسع ساعات. وباقي القسمة أربعة وخمسين، اللي هيمثل عدد الدقائق المتبقية. يبقى قدرنا نعرف إنه خمسمية أربعة وتسعين دقيقة، دول عبارة عن تسع ساعات وأربعة وخمسين دقيقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.