فيديو: إيجاد القوة الإضافية على الصورة المتجهة اللازمة لجعل جسم في حالة اتزان

أثَّرت ثلاث قوى على نقطة ثابتة. اثنتان من هذه القوى تساويان ٢ المتجه ﺱ + المتجه ﺹ + ٣ المتجه ﻉ نيوتن والمتجه ﺱ − ٣ المتجه ﺹ + ٢ المتجه ﻉ نيوتن. أوجد القوة الثالثة.

٠٢:٥٦

‏نسخة الفيديو النصية

أثّرت ثلاث قوى على نقطة ثابتة، اثنتان من هذه القوى تساويان: اتنين في اتجاه السينات زائد الواحد في اتجاه الصادات زائد التلاتة في اتجاه الـ ع بالنيوتن. والقوة التانية اللي هي واحد في اتجاه السينات ناقص تلاتة في اتجاه الصادات زائد اتنين في اتجاه الـ ع نيوتن. أوجد القوة التالتة.

لمّا تأثّر تلات قوى على نقطة ثابتة، يعني معناها إنها ما اتحركتش؛ يبقى مجموع القوى دي بيساوي صفر.

هنعتبر إن القوة التالتة دي هي عبارة عن س في اتجاه السينات زائد ص في اتجاه الصادات زائد الـ ع في اتجاه الـ ع. لمّا هنجمع القوى دي على بعض؛ يبقى محصِّلتهم يساوي صفر.

يبقى اللي في اتجاه السينات هنجمعهم على بعض ونساويهم بالصفر، واللي في اتجاه الصادات هنجمعهم على بعض ونساويهم بالصفر، واللي في اتجاه الـ ع هنجمعهم على بعض ونساويهم بالصفر. يبقى اتنين في اتجاه السينات زائد واحد في اتجاه السينات زائد الـ س في اتجاه السينات، الكلام ده كله هيساوي صفر.

معنى كده إن تلاتة في اتجاه السينات؛ لمّا هنجمع دي على دي، زائد الـ س في اتجاه السينات يساوي صفر. هنودّي دي في الطرف الآخر بإشارة مخالفة، يبقى الـ س في اتجاه السينات هتساوي سالب تلاتة في اتجاه السينات، يبقى معنى كده إن الـ س لازم تساوي سالب تلاتة.

هنوجد المحصلة اللي في اتجاه الصادات، يبقى واحد في اتجاه الصادات زائد سالب تلاتة في اتجاه الصادات زائد ص في اتجاه الصادات هيساوي صفر.

يبقى بالتجميع: سالب اتنين في اتجاه الصادات زائد الـ ص في اتجاه الصادات هيساوي صفر، يبقى معنى كده إن الـ ص في اتجاه الصادات بتساوي اتنين في اتجاه الصادات؛ يبقى معنى كده إن الـ ص هتساوي اتنين.

هنوجد الاتجاه التالت؛ اتجاه الـ ع، يبقى تلاتة في اتجاه الـ ع زائد اتنين في اتجاه الـ ع زائد الـ ع في اتجاه الـ ع هيساوي صفر. يبقى خمسة في اتجاه الـ ع زائد الـ ع في اتجاه الـ ع هيساوي صفر؛ يبقى معنى كده إن الـ ع هتساوي سالب خمسة.

يبقى القوة التالتة هي سالب تلاتة في اتجاه السينات زائد اتنين في اتجاه الصادات ناقص خمسة في اتجاه الـ ع. يبقى هي دي القوة التالتة بالنيوتن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.