فيديو: المقارنة بين عددين حتى ٩٩٩ في الصورة اللفظية والصورة العددية

هل ٧٠٠< أم = أم >٥٠ عشرة؟

٠١:٥٠

‏نسخة الفيديو النصية

هل سبعمية أقل من، أم تساوي، أم أكبر من خمسين عشرة؟

عاوزين نقارن ما بين السبعمية، والخمسين عشرة. ونشوف السبعمية أقل من، ولّا بتساوي، ولّا أكبر من الخمسين عشرة. هنكتب السبعمية هنا، والخمسين عشرة هنا. ونبصّ على الخمسين عشرة. هي الخمسين عشرة دي عبارة عن إيه؟ عبارة عن خمسين متكرّرة عشر مرات. يعني عبارة عن خمسين في عشرة. يعني إيه خمسين في عشرة؟ أو بتساوي إيه خمسين في عشرة؟

لو جينا نضرب الخمسين في عشرة، هنضرب بالشكل ده. عندنا هنا صفر جنب الخمسين، وصفر جنب العشرة. ننزّلهم الاتنين جنب بعض هنا. بعدين نضرب الخمسة في الواحد. خمسة في واحد بتساوي خمسة. يبقى خمسين في عشرة بتساوي خمسمية. يبقى الخمسين عشرة هي هيّاها الخمسمية.

طيّب هو مين بقى الكبير؛ السبعمية، ولّا الخمسمية؟ السبعمية يعني سبع ميّات، والخمسمية يعني خمس ميّات. والسبعة أكبر من الخمسة. فده معناه إن السبعمية هي الكبيرة. فامّا نيجي نحلّ السؤال ده، هنحطّ علامة أكبر من. لأن السبعمية أكبر من الخمسمية، أو الخمسين عشرة؛ هي هيّاها. فتبقى الإجابة الصح، هي: أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.