فيديو: إيجاد قيم مقادير جبرية تتضمَّن قيمًا مُطلَقة

إذا كان ﺱ = −١٦، فأوجد قيمة |(−٨ﺱ^٢ + ١٦ﺱ^٣)/−٨ﺱ|.

٠٢:١١

‏نسخة الفيديو النصية

إذا كان س يساوي سالب ستاشر، فأوجد قيمة القيمة المطلقة لسالب تمنية س تربيع زائد ستاشر س تكعيب، على سالب تمنية س.

عشان نوجد القيمة المطلقة للمقدار اللي عندنا ده، ببساطة هنعوّض عن كل س في المقدار، بقيمتها اللي هي سالب ستاشر. فيصبح دلوقتي القيمة المطلقة للمقدار ده، هتساوي القيمة المطلقة لسالب تمنية في سالب ستاشر تربيع، زائد ستاشر في سالب ستاشر تكعيب؛ على سالب تمنية في سالب ستاشر. هيبقى بيساوي القيمة المطلقة لسالب تمنية. ولمّا بنيجي نربّع عدد سالب، القيمة بتطلع موجبة؛ ما ننساش.

يبقى تربيع العدد سالب ستاشر، هيبقى عدد موجب، اللي هو هيطلع ميتين ستة وخمسين. زائد ستاشر في … سالب ستاشر تكعيب بأربعة آلاف ستة وتسعين. والناتج هيبقى بالسالب. العدد السالب لمّا بنرفعه لقوة فردية، زي التلاتة، فهيفضل الناتج بالسالب. أمّا لو رُفِع لقوّة زوجية، زي اتنين أو أربعة، فالناتج بيطلع موجب. على … سالب تمنية في سالب ستاشر، اللي هي هتطلع مية تمنية وعشرين. وبما إننا ضربنا عددين سالبين، فالناتج هيطلع موجب.

بإجراء عمليات الضرب اللي موجودة، هيبقى عندنا سالب تمنية في ميتين ستة وخمسين. هتطلع سالب ألفين تمنية وأربعين. وبعدين نجمع عليها حاصل ضرب ستاشر في سالب أربعة آلاف ستة وتسعين. اللي هيطلع سالب خمسة وستين ألف خمسمية ستة وتلاتين. أمّا حاصل ضرب سالب تمنية في سالب ستاشر، فهيطلع مية تمنية وعشرين. ناخد بالنا إننا لمّا بنضرب عددين سالبين، فحاصل الضرب بيبقى موجب.

بعد التبسيط، هيبقى مطلوب مننا نوجد القيمة المطلقة لسالب خمسمية تمنية وعشرين. وبما إننا بنوجد القيمة المطلقة، هي هتبقى القيمة الموجبة للّي بداخل علامة القيمة المطلقة. فكده هتصبح القيمة المطلقة للمقدار اللي عندنا، خمسمية تمنية وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.