تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجال دالة مُتعدِّدة التعريف بمعلومية تمثيلها البياني

سوزان فائق

أوجد مجال الدالة الممثلة بالرسم البياني التالي:

٠٢:٠١

‏نسخة الفيديو النصية

أوجد مجال الدالة الممثّلة بالرسم البياني التالي:

مجال الدالة هي قيم مُدخلات الدالة اللي بتدّينا المُخرجات، والمُخرجات بتمثل الـ ص؛ قيم الصادات اللي على المحور الرأسي، والمُدخلات بتمثّلها السينات اللي على المحور الأفقي. فمثلًا لمّا الـ س بتساوي سالب اتنين، فيه قيمة عندنا للصادات اللي هي مُخرَج الدالة. عايزين نعرف إيه هي قيم السينات اللي متعرّفة على الدالة. هنلاقي إن الدالة من عند السالب أربعة فيما فوق؛ يعني سالب أربعة، سالب تلاتة، سالب اتنين، سالب واحد؛ كل ده موجود في الدالة؛ يعني عاملة خط متصل، الدالة عاملة خط متصل؛ يبقى ابتداءً من السالب أربعة وكل امّا هيِكْبر قيمة السينات، كل امّا هتبقى موجودة جوّه الدالة، لكن السالب أربعة نفسها عندها دايرة مفتوحة؛ يعني معناها إن قيمة الـ س تساوي سالب أربعة مش موجودة في الخط اللي هو على اليمين ده، اللي بيمثل الدالة.

بعد كده لما هنشوف القيم اللي أصغر من السالب أربعة، فعلًا هنلاقيها كلها الدالة متصلة ومتوصّلة بخط كده، اللي هو الخط ده، ده دالة متصلة؛ يبقى معنى كده إن السينات كل القيم بتاعتها ابتداءً من السالب أربعة وإحنا نازلين عنها؛ يعني سالب خمسة، سالب ستة، واللي ما بينهم؛ كل ده موجود في مجال الدالة. بس السالب أربعة نفسها مش موجودة؛ يبقى معنى كده إن السينات كل قيم السينات هتحقّق الدالة، ما عدا عند السالب أربعة؛ يبقى جميع الأعداد الحقيقية، اللي هي ح، بس هننقصّ منها قيمة الـ س عند السالب أربعة؛ يبقى هو ده مجال الدالة: جميع الأعداد الحقيقية ما عدا الـ س تساوي سالب أربعة.