فيديو: التحقُّق من تساوي المجموعات

أكمل ما يلي باستخدام = أو ≠: {١، ٢، ١٩، ٣٨} _ مجموعة عوامل العدد ٣٨.

٠١:١٤

‏نسخة الفيديو النصية

أكمل ما يلي باستخدام يساوي أو لا يساوي. المجموعة: واحد، اتنين، تسعتاشر، تمنية وتلاتين. نقط. مجموعة عوامل العدد تمنية وتلاتين.

يا ترى المجموعتين متساويين ولّا غير متساويين؟

دلوقتي إحنا عندنا مجموعة عندنا كل العناصر بتاعتها. المجموعة التانية مذكور إنها عوامل العدد تمنية وتلاتين، ولسّه مش قادرين نكوّن المجموعة. يبقى أول خطوة نعملها نبتدي نكوّن المجموعة اللي فيها مجموعة عوامل العدد تمنية وتلاتين.

تمنية وتلاتين عدد زوجي، فبيقبل القسمة عَ الاتنين. فنقدر نكتبه كحاصل ضرب اتنين في تسعتاشر. وحاصل ضرب كمان تمنية وتلاتين في واحد. هم دول بس عوامل العدد تمنية وتلاتين. يعني نقدر نقول إن مجموعة عوامل العدد تمنية وتلاتين هتبقى هي المجموعة: واحد، واتنين، وتسعتاشر، وتمنية وتلاتين.

لمّا نيجي نقارنها بالمجموعة اللي معطاة عندنا في السؤال هنلاقي إن العنصر الأول متكرّر، والعنصر التاني، العنصر التالت، والعنصر الرابع. المجموعتين متساويتين بالظبط؛ يعني العلامة المناسبة اللي هنستخدمها هنا هي علامة التَّساوي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.