فيديو السؤال: تحديد إذا ما كان الشكل ثنائي الأبعاد أو ثلاثي الأبعاد الرياضيات

نسخة الفيديو النصية

المربع مسطّح. أوجد شكلًا مسطّحًا آخر.

السؤال بيقول لنا إن المربع اللي قدامنا ده شكل مسطّح. وعاوزين نختار شكل من التلاتة أشكال اللي عندنا في الاختيارات دول؛ يعني نختار ما بين شكل أ، وشكل ب، وشكل ج. أي واحد فيهم هو اللي مسطح.

طيب إحنا عندنا الأشكال نوعين. فيه شكل ثنائي الأبعاد، وفيه شكل ثلاثي الأبعاد. الشكل الثنائي الأبعاد له بُعدين اتنين بس. والشكل الثلاثي الأبعاد له تلات أبعاد. الشكل الثنائي الأبعاد اللي إحنا برضو بنسمّيه مسطّح. والشكل الثلاثي الأبعاد بنسميه مجسّم. طيب إيه هو الشكل المسطّح؟ الأشكال المسطحة كتير؛ زي المربع، والدايرة، والمثلث، والمستطيل، والشكل الخماسي، والسداسي. ده بالنسبة للأشكال ثنائية الأبعاد المسطحة.

طيب والأشكال الثلاثية الأبعاد، اللي هي اسمها المجسمات. زي إيه؟ عندنا مجسمات كتير؛ زي المكعب، والهرم، والمخروط، والأسطوانة، والكرة. كده إحنا عرفنا إيه هي الأشكال المسطحة والأشكال المجسمة.

السؤال بقى بيقول لنا إيه؟ مدينا المربع اللي قدامنا ده، وبيقول لنا المربع مسطح. فعلًا آدي الأشكال المسطّحة أهي منها المربع. ومدّينا تلاتة اختيارات؛ عاوزين نعرف مين فيهم اللي برضو مسطح. أول اختيار ده مكعب. المكعب من الأشكال الثلاثية الأبعاد؛ يعني مجسم مش مسطح. يبقى هو مش الاختيار الصح. طيب والاختيار التاني ده أسطوانة. الأسطوانة أهي، برضو مجسّم مش مسطح. فتبقى هي اختيار غلط. طيب تالت اختيار؟ دي دائرة. الدائرة أهي فعلًا شكل مسطّح. فتبقى هي دي الإجابة الصح: الدايرة.