فيديو: إيجاد مساحة مستطيل بمعلومية إحداثيات رءوسه

رُسم المستطيل ﺃﺏﺟد في مستوى الإحداثيات، فكانت رءوسه عند ﺃ(−٣، ٤) ، ﺏ(٥، ٤)، ﺟ(٥، −٢)، د(−٣، −٢). أوجد مساحته.

٠٣:١٢

‏نسخة الفيديو النصية

رُسم المستطيل أ ب ﺟ د في مستوى الإحداثيات، فكانت رءوسه أ سالب تلاتة وأربعة، الـ ب خمسة وأربعة، الـ ﺟ خمسة وسالب اتنين، الـ د سالب تلاتة وسالب اتنين. أوجد مساحته.

هنرسم المستطيل أ ب ﺟ د بمعلومية إحداثيات رءوسه، يبقى الـ أ عبارة عن سالب تلاتة وأربعة، والـ ب خمسة وأربعة، الإحداثي السيني خمسة والصادي أربعة، الـ ﺟ خمسة وسالب اتنين، س تساوي خمسة، والـ ص بتساوي سالب اتنين، الـ د سالب تلاتة وسالب اتنين. ومساحة المستطيل بتساوي الطول في العرض؛ يعني الطول أ ب مثلًا مضروب في العرض اللي هو أ د. لو عدينا الوحدات بتاعة أ ب عشان نوجد طول الوحدات؛ يبقى دي واحد، اتنين، تلاتة، أربعة، خمسة، ستة، سبعة، تمنية؛ يبقى الطول تمن وحدات. العرض واحد، اتنين، تلاتة، أربعة، خمسة، ستة؛ يبقى العرض ست وحدات.

يبقى مساحة المستطيل هتبقى تمنية في ستة، اللي هو تمنية وأربعين وحدة مربعة. ولو ما رسمناش على مستوى الإحداثيات، ممكن نوجد الطول عن طريق إن إحنا نوجد طول أ ب، ونوجد طول أ د. الـ أ ب بتساوي الجذر التربيعي لفرق السينات تربيع زائد فرق الصادات تربيع، للنقاط أ س واحد وَ ص واحد، والـ ب س اتنين وَ ص اتنين؛ يعني بتساوي الجذر التربيعي لفرق السينات تربيع، يبقى س اتنين ناقص س واحد تربيع، زائد … فرق الصادات تربيع ص اتنين ناقص ص واحد تربيع.

بالتعويض عن قيم النقط أ وَ ب، يبقى سالب تلاتة وسالب أربعة دي قيمة الـ أ، والـ ب خمسة وأربعة؛ يبقى هنا الـ س اتنين عبارة عن خمسة، الـ س واحد سالب تلاتة، الـ ص اتنين أربعة، والـ ص واحد أربعة. هنا الأربعة ناقص الأربعة بصفر، يبقى الخمسة ناقص سالب تلاتة هتساوي تمنية تربيع؛ يعني هتساوي تمنية. يبقى الجذر التربيعي لتمنية تربيع هو تمن وحدات؛ يبقى الـ أ ب طولها تمن وحدات.

وبنفس الطريقة هنوجد طول أ د؛ فرق السينات يبقى سالب تلاتة ناقص سالب تلاتة بصفر، تربيع. زائد فرق الصادات يبقى سالب اتنين ناقص أربعة، تربيع. يبقى هتساوي الجذر التربيعي لسالب ستة تربيع، يعني هتساوي ست وحدات؛ إذن مساحة المستطيل هتبقى طول أ ب في طول أ د اللي هو تمنية في ستة بتمنية وأربعين وحدة مربعة، وهي نفس النتيجة اللي أوجدناها باستخدام مستوى الإحداثيات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.