فيديو: تحويل السعات من الكوارت إلى جالونات

أكمل: ٩٤ كوارت = _ جالون.

٠١:٣٧

‏نسخة الفيديو النصية

أكمل: أربعة وتسعين كوارت بيساوي كام جالون؟

إحنا عارفين إن السعة لواحد كوارت بيساوي السعة لربع جالون. إحنا دلوقتي متفقين إن الواحد كوارت فيه كام جالون؟ فيه ربع جالون. طيب لو خلِّيناهم أربعة وتسعين كوارت، زيّ ما طالب مننا في السؤال، هيكون فيهم كام جالون؟ هنلاحظ هنا إن الواحد كوارت ده بقى أربعة وتسعين. يعني عملنا إيه؟ ضربناه في أربعة وتسعين هنا. وطالما ضربنا في أربعة وتسعين في الطرف اليمين، يبقى لازم نضرب زيّهم بالظبط في الطرف الشمال. يعني هيدِّي لنا كام؟ هيدِّي لنا الربع مضروب في أربعة وتسعين. هي هي لو قلنا: أربعة وتسعين على أربعة.

ممكن نبسّطها شوية، ونقسم فوق على الاتنين وتحت على الاتنين. أربعة وتسعين عَ الاتنين، يعني نصّ الأربعة وتسعين، هيدِّينا سبعة وأربعين. والأربعة عَ الاتنين فيها الكام؟ فيها الاتنين. يبقى بعد ما بسّطناها هتكون سبعة وأربعين على الاتنين.

يبقى الأربعة وتسعين كوارت بيساوي سبعة وأربعين على الاتنين جالون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.