فيديو: تحويل الأعداد النسبية إلى نسب مئوية

اكتب ٧٫٥ على صورة نسبة مئوية.

٠١:٣٤

‏نسخة الفيديو النصية

اكتب سبعة وخمسة من عشرة على صورة نسبة مئوية.

يعني عندنا العدد العشري سبعة وخمسة من عشرة، وعايزين نحوّله إلى نسبة مئوية. وخلّينا في الأول نفتكر إن النسبة المئوية هي عبارة عن كسر مقامه مية. فعشان نحوّل العدد العشري سبعة وخمسة من عشرة إلى نسبة مئوية، فنقدر نعتبر إن العدد العشري سبعة وخمسة من عشرة هو كسر مقامه واحد؛ لأننا لمّا بنقسم على واحد مش بنغيّر أي حاجة من قيمة العدد. فبالتالي علشان نحوّله إلى نسبة مئوية، فمعنى كده إننا عايزين نوجد له كسر مكافئ يكون مقامه مية.

فبالتالي علشان نحوّل الكسر سبعة وخمسة من عشرة على واحد إلى كسر مقامه مية، يبقى عايزين الواحد اللي في المقام تبقى مية؛ فبالتالي هنضرب واحد في مية. وبنفس الطريقة زي ما ضربنا المقام في مية، هنضرب البسط في مية؛ علشان نحافظ على نفس قيمة الكسر.

فهيبقى المقام واحد في مية واللي هتساوي مية. وأمّا البسط هنضرب سبعة وخمسة من عشرة في مية، فلمّا بنضرب عدد عشري في مية، يبقى بنحرّك العلامة العشرية مكانين جهة اليمين؛ فبالتالي هيبقى حاصل ضرب سبعة وخمسة من عشرة في مية بتساوي سبعمية وخمسين؛ فبالتالي هيبقى الكسر المكافئ هو سبعمية وخمسين على مية.

فكده بقى عندنا كسر مقامه مية، فهيبقى سبعمية وخمسين على مية نقدر نكتبه على صورة نسبة مئوية، فهيبقى بالشكل ده؛ فبالتالي هيبقى صورة النسبة المئوية للعدد العشري سبعة وخمسة من عشرة هي سبعمية وخمسين في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.