فيديو: حل معادلات ذات مُتغيِّر واحد

أوجد حل ٨ﻙ − ٣ − ٢ﻙ = ٢١.

٠١:٢٢

‏نسخة الفيديو النصية

أوجد حل: تمنية ك ناقص تلاتة ناقص اتنين ك يساوي واحد وعشرين.

يعني معطى عندنا المعادلة دي، والمطلوب إننا نحلّها. يعني عايزين نوجد قيمة ك. وفي الأول هنلاحظ إن عندنا حدود متشابهة، زي التمنية ك واتنين ك. فهنبدأ نحسب الحدود المتشابهة مع بعض. يعني هنحسب تمنية ك ناقص اتنين ك. وتمنية ك ناقص اتنين ك بتساوي ستة ك. وبالتالي هتبقى المعادلة هي: ستة ك ناقص تلاتة يساوي واحد وعشرين.

بعد كده، عشان نخلّي ك في طرف لوحدها من طرفَي المعادلة، يبقى هنجمع تلاتة على طرفَي المعادلة. فهيبقى الطرف الأيمن للمعادلة هو ستة ك ناقص تلاتة زائد تلاتة. وناقص تلاتة زائد تلاتة بصفر، فيتبقّى ستة ك. وأمّا في الطرف الأيسر للمعادلة، فهنجمع واحد وعشرين زائد تلاتة، واللي هتساوي أربعة وعشرين. فبالتالي هتبقى المعادلة هي ستة ك يساوي أربعة وعشرين.

بعد كده عشان نوجد قيمة ك، يبقى هنقسم طرفَي المعادلة على ستة. فهيبقى الطرف الأيمن ستة ك على ستة، ونقدر نختصر ستة مع ستة، فيتبقّى ك. وأمّا الطرف الأيسر للمعادلة، فهنقسم أربعة وعشرين على ستة. فلمّا نحسبها هتبقى بتساوي أربعة. وبالتالي هيبقى ك تساوي أربعة. وهو ده حلّ المعادلة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.