فيديو: طرح عددين حتى ٩٩٩

ما ناتج طرح ٢٠٨ من ٥٧٦؟

٠١:٥٣

‏نسخة الفيديو النصية

ما ناتج طرح ميتين وتمنية من خمسمية ستة وسبعين؟

عاوزين نعرف لمّا نشيل ميتين وتمنية من خمسمية ستة وسبعين، هيتبقّى لنا كام. فنبدأ نكتب العدد الكبير اللي هو الخمسمية ستة وسبعين، وتحته العدد الصغير ميتين وتمنية. وعلامة الناقص. ونشدّ خط الناتج؛ عشان نعرف ناتج الطرح.

أول حاجة هنطرح الآحاد، ستة ناقص تمنية. الستة أصغر من التمنية، فما ينفعش نطرح. فهنعمل إيه؟ هنستلف من اللي جنب الستة واحد، اللي هي السبعة. لمّا ناخد منها واحد، هي تبقى ستة. وأمّا هي تدّي الواحد للستة، تخلّيها ستاشر. كده نقدر نطرح ستاشر ناقص تمنية. آدي عندنا ستاشر عربية، هنشيل منهم تمنية. واحد، اتنين. تلاتة، أربعة. خمسة، ستة. سبعة، تمنية. هيتبقّى لنا كام؟ هيتبقّى لنا: واحد، اتنين. تلاتة، أربعة. خمسة، ستة. سبعة، تمنية. يبقى الناتج هو تمنية. ستاشر ناقص تمنية، تساوي تمنية.

بعدين نطرح العشرات، ستة ناقص صفر. هتنزل الستة زيّ ما هي؛ لأننا شِلنا منها صفر، يعني ما شِلناش منها حاجة. وآخر خطوة هي طرح المئات، خمسة ناقص اتنين. آدي خمس كلاب، هنشيل منهم كلبين. واحد، اتنين. اتبقّى لنا كام واحد؟ واحد، اتنين، تلاتة. يبقى خمسة ناقص اتنين بتساوي تلاتة.

وبكده نكون أوجدنا ناتج طرح ميتين وتمنية من خمسمية ستة وسبعين، وهو تلتمية تمنية وستين. وهي دي الإجابة الصح؛ تلتمية تمنية وستين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.