فيديو: دراسة اصطدام كرتين إحداهما متحرِّكة والأخرى ساكنة على نفس الخط

تتحرَّك كرة كتلتها ٢٩٩ جم أفقيًّا في خط مستقيم بسرعة ٥١ سم/ث. اصطدمت الكرة بكرة أخرى ساكنة كتلتها ٣٩٠ جم. أصبحت الكرة الأولى ساكنة نتيجة الاصطدام. أوجد سرعة الكرة الثانية بعد الاصطدام.

٠٢:٥٦

‏نسخة الفيديو النصية

تتحرك كرة كتلتها ميتين تسعة وتسعين جرام أفقيًّا في خط مستقيم بسرعة واحد وخمسين سنتيمتر ع الثانية. اصطدمت الكرة بكره أخرى ساكنة كتلتها تلتمية وتسعين جرام. أصبحت الكرة الأولى ساكنة نتيجة الاصطدام. اوجد سرعة الكرة الثانية بعد الاصطدام.

معطى عندنا كرة كتلتها ميتين تسعة وتسعين جرام، بتتحرك أفقيًّا في خط مستقيم. يعني هيكون عندنا كتلة الكرة الأولى اللي هي ك واحد هتساوي ميتين تسعة وتسعين جرام. والكرة دي بتتحرك بسرعة واحد وخمسين سنتيمتر عَ الثانية. يعني السرعة الأولى اللي هي ع واحد هتساوي واحد وخمسين سنتيمتر ع الثانية.

اصطدمت الكرة بكرة أخرى ساكنة كتلتها تلتمية وتسعين جرام؛ يعني عندنا كتلة الكرة الثانية اللي هي ك اتنين بتساوي تلتمية وتسعين جرام. وبما إن الكرة التانية كانت ساكنة؛ يعني ع اتنين اللي هي سرعة الكرة التانية هتساوي صفر سنتيمتر ع الثانية.

ومعطى إن الكرة الأولى أصبحت ساكنة نتيجة الاصطدام؛ يعني … ومعطى إن أصبحت الكرة الأولى ساكنه نتيجة الاصطدام؛ يعني سرعة الكرة الأولى بعد الاصطدام هتساوي صفر. وهنرمز لسرعة الكرة الأولى بعد الاصطدام بالرمز ع واحد شرطة. ومطلوب نوجد سرعة الكرة الثانية بعد الاصطدام.

فهنستخدم العلاقة اللي بتكون عَ الشكل ده. إن ك واحد في ع واحد شرطة، زائد ك اتنين في ع اتنين شرطة، هتساوي ك واحد في ع واحد، زائد ك اتنين في ع اتنين. هنعوّض عن ك واحد اللي هي كتلة الكرة الأولى ميتين تسعة وتسعين. مضروبة في … هنعوّض عن ع واحد شرطة اللي هي سرعة الكرة الأولى بعد الاصطدام بصفر. زائد … هنعوّض عن ك اتنين بكتلة الكرة الثانية اللي هي تلتمية وتسعين. مضروبة في ع اتنين شرطة اللي هي سرعة الكرة الثانية بعد الاصطدام، اللي هي محتاجين نوجدها. هيساوي … هنعوّض عن ك واحد بميتين تسعة وتسعين. مضروبة في … ع واحد هي سرعة الكرة الأولى قبل الاصطدام اللي هي بتساوي واحد وخمسين سنتيمتر ع الثانية. زائد … ك اتنين اللي هي كتلة الكرة الثانية، هنعوّض عنها بتلتمية وتسعين. مضروبة في ع اتنين اللي هي سرعة الكرة الثانية قبل الاصطدام. يعني كانت بتساوي صفر.

يعني هيكون عندنا ميتين تسعة وتسعين في صفر هيساوي صفر. فعندنا تلتمية وتسعين ع اتنين شرطة، هيساوي ميتين تسعة وتسعين في واحد وخمسين، هيساوي خمستاشر ألف ميتين تسعة وأربعين. زائد تلتمية وتسعين في صفر هيساوي صفر.

وعشان نقدر نوجد ع اتنين شرطة هنقسم الطرفين على تلتمية وتسعين، فهيكون عندنا ع اتنين شرطة بتساوي تسعة وتلاتين وواحد من عشرة سنتيمتر عَ الثانية. ويبقى كده قدرنا نوجد سرعة الكرة الثانية بعد الاصطدام، وكانت بتساوي تسعة وتلاتين وواحد من عشرة سنتيمتر عَ التانية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.