تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: ضرب الأعداد المرفوعة لأسس كسرية وكتابة الناتج في الصورة الجذرية

أحمد لطفي

اكتب ٧^(١٢/٥) × ٧^(١٢/٣) على الصورة الجذرية.

٠٢:١٢

‏نسخة الفيديو النصية

اكتب سبعة أُس خمسة على اتناشر، في سبعة أُس تلاتة على اتناشر، على الصورة الجذرية.

في البداية محتاجين نوجد ناتج عملية الضرب، وبما إن الأساس ثابت وهو سبعة، يبقى هنجمع الأُسس؛ وبالتالي هيساوي سبعة أُس خمسة على اتناشر، زائد تلاتة على اتناشر، يعني هيساوي سبعة أُس تمنية على اتناشر، تمنية على اتناشر نقدر نختصر البسط والمقام؛ فهتكون بتساوي سبعة أُس اتنين على تلاتة، وبالتالي محتاجين نكتب سبعة أُس اتنين على تلاتة على الصورة الجذرية، هنفتكر قواعد الأُسس، لو كان عندنا أ أُس ن م، ممكن نكتبها في صورة أ أُس ن الكل أُس م، ولو كان عندنا أ أُس واحد على ن، فبنكتبها بصورة الجذر النوني لـ أ؛ وبالتالي بالنسبة لـ سبعة أُس اتنين على تلاتة عشان نقدر نكتبها على الصورة الجذرية، فهنقول إن سبعة أُس اتنين على تلاتة، هتساوي سبعة أُس اتنين في واحد على تلاتة؛ يعني هتساوي سبعة أُس واحد على تلاتة الكل أُس اتنين، يعني هتساوي سبعة أُس واحد على تلاتة هي الجذر التكعيبي لسبعة، وبالتالي هتساوي الجذر التكعيبي لسبعة الكل أُس اتنين،

يبقى كده قدرنا نكتب سبعة أُس خمسة على اتناشر في سبعة أُس تلاتة على اتناشر، على الصورة الجذرية، وكانت بتساوي الجذر التكعيبي لسبعة الكل أُس اتنين.