فيديو: إيجاد العلاقة بين زاويتين معطاتين بناءً على موضعَيْهما

أي من العبارات الآتية ينطبق على الشكل؟ [أ] ∠١، ∠٤ زاويتان متجاورتان. [ب] ∠٢، ∠٣ زاويتان متجاورتان. [ج] ∠٢، ∠٣ زاويتان رأسيتان. [د] ∠٢، ∠٣ زاويتان متناظرتان. [ﻫ] ∠٣، ∠٤ زاويتان رأسيتان.

٠٢:١٣

‏نسخة الفيديو النصية

أي من العبارات الآتية ينطبق على الشكل؟ ومعطى عندنا الاختيارات؛ أ: زاوية واحد وزاوية أربعة زاويتان متجاورتان. ب: زاوية اتنين وزاوية تلاتة زاويتان متجاورتان. ج: زاوية اتنين وزاوية تلاتة زاويتان رأسيتان. د: زاوية اتنين وزاوية تلاتة زاويتان متناظرتان. ﻫ: زاوية تلاتة وزاوية أربعة زاويتان رأسيتان.

ومعطى عندنا الشكل اللي قدامنا ده، وعايزين نحدد أنهي عبارة من العبارات اللي عندنا هي اللي بتنطبق عَ الشكل. فنبدأ نشوف كل عبارة عندنا بتنطبق على الشكل ولا لأ. فعندنا أول اختيار اللي هو الاختيار أ: زاوية واحد وزاوية أربعة زاويتان متجاورتان. فهنلاحظ من الشكل إن عندنا هنا زاوية واحد، وهنا زاوية أربعة. ومن الشكل هنلاحظ إن الزاويتين واحد وأربعة زاويتين متقابلتين بالرأس. والزاويتين المتقابلتين بالرأس نقدر نسميهم زاويتان رأسيتان. وبالتالي هيبقى الاختيار أ: الزاوية واحد والزاوية أربعة زاويتان متجاورتان هو اختيار خاطئ؛ لأنهم زاويتان رأسيتان.

بعد كده هنشوف الاختيار ب: زاوية اتنين وزاوية تلاتة زاويتان متجاورتان. فهنلاحظ إن زاوية اتنين وزاوية تلاتة اللي هما الزاويتين دول برضو زاويتان متقابلتان بالرأس. وبالتالي هيبقى الاختيار ب اختيار خاطئ؛ لأن الزاويتين اتنين وتلاتة زاويتان رأسيتان. بعد كده هنشوف الاختيار ج: زاوية اتنين وزاوية تلاتة زاويتان رأسيتان. وزي ما قلنا إن الزاويتين اتنين وتلاتة رأسيتين. فبالتالي الاختيار ج اختيار صحيح.

وأما الاختيار د: زاوية اتنين وزاوية تلاتة زاويتان متناظرتان برضو اختيار خاطئ؛ لأن هما زاويتان رأسيتان.

وآخر اختيار اللي هو الاختيار ﻫ: زاوية تلاتة وزاوية أربعة زاويتان رأسيتان. فهنلاحظ إن هنا زاوية تلاتة وهنا زاوية أربعة. والزاويتين دول مش زاويتين رأسيتين. فبالتالي هيبقى الاختيار ﻫ اختيار خاطئ.

وبالتالي هيبقى العبارة اللي بتنطبق على الشكل هي الاختيار ج: زاوية اتنين وزاوية تلاتة زاويتان رأسيتان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.