فيديو: تحديد نوع التحويلة الهندسية المُطبَّقة

ذهبت إنجي للتنزه. كان السهم على البوصلة يشير باتجاه جنوب غرب، وعندما استدارت على الطريق، كانت البوصلة تشير باتجاه شمال غرب. صِفْ تحويل السهم. [أ] دوران ٩٠° عكس اتجاه عقارب الساعة. [ب] دوران ١٨٠° عكس اتجاه عقارب الساعة. [ج] دوران ٤٥° عكس اتجاه عقارب الساعة. [د] دوران ٤٥° في اتجاه عقارب الساعة. [ﻫ] دوران ٩٠° في اتجاه عقارب الساعة.

٠١:٣٣

‏نسخة الفيديو النصية

ذهبت إنجي للتنزّه. كان السهم على البوصلة يشير باتجاه جنوب غرب. وعندما استدارت على الطريق، كانت البوصلة تشير باتجاه شمال غرب. صِفْ تحويل السهم. الاختيار الأول: دوران تسعين درجة عكس اتجاه عقارب الساعة. الاختيار التاني: دوران مية وتمانين درجة عكس اتجاه عقارب الساعة. الاختيار التالت: دوران خمسة وأربعين درجة عكس اتجاه عقارب الساعة. الاختيار الرابع: دوران خمسة وأربعين درجة في اتجاه عقارب الساعة. الاختيار الخامس: دوران تسعين درجة في اتجاه عقارب الساعة.

في الصورة دي، رسمنا اتجاه السهم اللي كان بيشير إليه في البداية، اللي هو اتجاه جنوب غرب. لمّا إنجي استدارت على الطريق، اللي حصل إن المؤشر بتاع البوصلة اتغيّر اتجاهه، أصبح بيشير لاتجاه شمال غرب. اللي هو إحنا رسمناه على الصورة، على شكل السهم اللي لونه أخضر. دلوقتي إحنا مطلوب منّنا، إن إحنا نوصف التحويل اللي حصل للسهم.

السهم، اللي هو المؤشر بتاع البوصلة، اتحرّك من الاتجاه ده إلى الاتجاه ده. يعني حصل له دوران في اتجاه عقارب الساعة. زيّ ما إحنا شايفين الاتجاه اللي بيلفّ فيه ده، هو اتجاه دوران عقارب الساعة. يبقى حصل له دوران في اتجاه عقارب الساعة. طب الدوران ده بزاوية قدّ إيه؟ الدوران ده بزاوية قياسها تسعين درجة. يبقى الاختيار الصحيح عندنا، هو: دوران تسعين درجة في اتجاه عقارب الساعة. يبقى الوصف المناسب للتحويل الهندسي اللي حصل للسهم، هو دوران تسعين درجة في اتجاه عقارب الساعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.