فيديو: تحديد خواص عملية الجمع

اذكر الخاصية الموضّحة في المعادلة الآتية: ٧ + ٩ = ٩ + ٧ [أ] خاصية الدمج لعملية الجمع [ب] خاصية الإبدال لعملية الجمع [ج] خاصية التوزيع [د] خاصية المحايد الجمعي

٠١:٢٤

‏نسخة الفيديو النصية

اذكر الخاصية الموضّحة في المعادلة الآتية: سبعة زائد تسعة تساوي تسعة زائد سبعة. ومعطى عندنا الاختيارات؛ واحد: خاصية الدمج لعملية الجمع. اتنين: خاصية الإبدال لعملية الجمع. تلاتة: خاصية التوزيع. أربعة: خاصية المحايد الجمعي.

وهنلاحظ في المعادلة اللي عندنا إن العمليتين اللي في المعادلة عمليتين جمع. وهنلاحظ برضو إن الطرف الأيمن للمعادلة هو سبعة زائد تسعة. وأما الطرف الأيسر للمعادلة هو تسعة زائد سبعة. فمعنى كده إننا عندنا نفس الأعداد لكن الترتيب مختلف.

فهنلاحظ مثلًا إن الطرف الأيمن للمعادلة لو بدّلنا سبعة مكان تسعة، وتسعة مكان سبعة؛ هتبقى بتساوي الطرف الأيسر للمعادلة، اللي هو تسعة زائد سبعة. فهيبقى همّ الاتنين ليهم نفس القيمة، لكن كل اللي عملناه إننا عملنا عملية إبدال للأعداد.

والخاصية دي بنسميها خاصية الإبدال لعملية الجمع؛ عشان غيرنا ترتيب الأعداد، أو بدّلنا الأعداد بدون أي تغيير في القيمة. فبالتالي هيبقى الاختيار رقم اتنين هو الاختيار الصحيح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.