فيديو: إيجاد المقسوم في جملة القسمة

أكمل: _ ÷ ٨ = ٤.

٠١:٠٤

‏نسخة الفيديو النصية

أكمل: نقط على تمنية يساوي العدد أربعة.

ودلوقتي عايزين نعرف، يا ترى إيه العدد الكبير، اللي لمّا نقسّمه بالتساوي على تمنية، هيساوي العدد أربعة. هنستخدم عملية الضرب للأعداد اللي موجودة عندنا دي، اللي هي التمنية والأربعة. ولأن عملية الضرب كمان، هي عكس عملية القسمة. فلو جِبنا حاصل ضرب تمنية في أربعة، هنعرف العدد اللي لمّا نقسمه على تمنية، يكون الناتج أربعة.

تمنية في واحد، عارفين إنه بيساوي تمنية. وتمنية في اتنين بيساوي ستاشر. وتمنية في تلاتة، هنفتكر إنها بتساوي أربعة وعشرين. أمّا تمنية في أربعة، فبتساوي اتنين وتلاتين. وبكده هيكون العدد اتنين وتلاتين، هو اللي هنحطّه مكان النقط.

وبكده استنتجنا إن العدد اتنين وتلاتين، هو العدد الكبير. اللي لمّا نقسمه على تمنية بالتساوي، هيساوي العدد أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.