فيديو: إيجاد قيمة تعبيرات عددية باستخدام خاصية التوزيع

أوجد قيمة ٣(٢٦ + ١١) باستخدام خاصية التوزيع.

٠١:٥٨

‏نسخة الفيديو النصية

أوجد قيمة تلاتة في، ستة وعشرين زائد حداشر؛ باستخدام خاصية التوزيع.

عشان نقدر نوجد قيمة المقدار اللي عندنا ده باستخدام خاصية التوزيع. معناها إن إحنا هنوزّع عملية الضرب؛ لأن التلاتة دي تعتبر مضروبة في ما بداخل الأقواس. يبقى لمّا نيجي نستخدم خاصية التوزيع، هنوزّع الضرب على ما بداخل الأقواس. يعني هنوزّع الضرب على الجمع. فهنضرب التلاتة في أول عدد عندنا اللي هو ستة وعشرين. وبعدين نجمع عليهم حاصل ضرب التلاتة في العدد الآخر اللي هو حداشر، بالطريقة اللي قدّامنا دي.

وبعدين بحسب ترتيب تنفيذ العمليات الحسابية، إحنا عارفين إن عملية الضرب ليها الأولوية قبل عملية القسمة. طب إحنا عندنا عمليتين ضرب، بننفّذهم بأولوية اللي بنقابله الأول من اليمين إلى الشمال. يبقى هنبدأ بتنفيذ أول عملية ضرب، حاصل ضرب تلاتة في ستة وعشرين. تلاتة في ستة يبقى تمنتاشر، تمنية ومعانا الواحد. اتنين في تلاتة بستة، زائد واحد يبقى سبعة. يبقى كده أوجدنا حاصل ضرب أول عددين. هنجمع عليهم حاصل ضرب تلاتة في حداشر، اللي هو هيبقى تلاتة وتلاتين.

دلوقتي بقى نجري عملية الجمع للعددين دول. بعد كده نجري عملية الجمع، ونبدأ نجمع العددين اللي عندنا. بنبدأ نجمع الأرقام اللي في خانة الآحاد. تمنية زائد تلاتة حداشر، واحد وفيه واحد هنحتفظ بيه فوق خانة العشرات. وبعدين نجمع الواحد ده زائد سبعة يبقوا تمنية، زائد تلاتة يبقى حداشر. يبقى دلوقتي ناتج العملية اللي حصلنا عليه، هو مية وحداشر. وهي دي قيمة التعبير العددي اللي عندنا باستخدام خاصية التوزيع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.