فيديو: إكمال الجدول التكراري ذي المجموعات

أكمل الجدول التكراري التالي بإيجاد قيمة ﺹ.

٠١:٥٣

‏نسخة الفيديو النصية

أكمل الجدول التكراري التالي بإيجاد قيمة ص. وفي الجدول عندنا مجموعات لفترات من الأعداد. عندنا الفترة من عشرة لتسعتاشر. ومن عشرين لتسعة وعشرين. ومن تلاتين لتسعة وتلاتين. ومن أربعين لتسعة وأربعين. ومن خمسين لتسعة وخمسين. وتحت كل مجموعة منهم موجود تكرار مجموعة الفترات دي. وفي نهاية الجدول موجود مجموع الأعداد اللي بتمثّل تكرار كل فترة، واللي هو خمسة وستين.

لكن من ضمن الأعداد اللي بتمثّل التكرار دي، موجود عدد منهم مش معروف، واللي هو اسمه ص. علشان نعرفه، هنجمع الأعداد الموجودة دي، اللي هي اتناشر، وأربعتاشر، وخمستاشر، وأربعتاشر. وناتج الجمع هنطرحه من المجموع، اللي هو خمسة وستين. علشان نعرف قيمة العدد المجهول، اللي هو ص.

هنبدأ نجمع الأربع أعداد دول. هنجمع أول عددين مع بعض؛ اتناشر زائد أربعتاشر. اتنين زائد أربعة بستة. وواحد زائد واحد باتنين. وبعدين نجمع العددين التانيين؛ خمستاشر زائد أربعتاشر بيساوي … خمسة زائد أربعة بتسعة، وواحد زائد واحد باتنين. بعد كده هنجمع تسعة وعشرين زائد ستة وعشرين. تسعة وعشرين زائد ستة وعشرين بيساوي … تسعة زائد ستة بخمستاشر. هنكتب خمسة في خانة الآحاد، وواحد هنضيفها للأرقام الموجودة في خانة العشرات. وبعدين نجمع واحد زائد اتنين زائد اتنين يساوي خمسة. معنى كده إن مجموع الأربع أعداد دول هو العدد خمسة وخمسين.

وبعدين هنطرح خمسة وستين ناقص خمسة وخمسين. خمسة ناقص خمسة بيساوي صفر. وستة ناقص خمسة بيساوي واحد. وبكده عرفنا إن قيمة ص هي: عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.