تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة متجه بدلالة متجهي الوحدة الأساسيين

أحمد لطفي

يمثل الشكل التالي متجهًا في المستوى الإحداثي المتعامد. اكتب المتجه بالنسبة إلى متجهي الوحدة الأساسيين ﺱ، ﺹ.

٠١:٥٢

‏نسخة الفيديو النصية

يمثل الشكل التالي متجهًا في المستوى الإحداثي المتعامد. اكتب المتجه بالنسبة إلى متجهَي الوحدة الأساسيين؛ متجه الوحدة س، ومتجه الوحدة ص.

في البداية المتجه بيساوي نقطة نهاية المتجه ناقص نقطة بداية المتجه. ومن خلال الرسم، نقطة نهاية المتجه هي النقطة اللي بيكون عندها السهم، يعني هتكون النقطة دي، وإحداثياتها هتكون أربعة وتمنية. وبالنسبة لنقطة بداية المتجه، هتكون هي النقطة دي، وبالتالي إحداثياتها هتكون اتنين وسالب اتنين.

يعني المتجه هيساوي … نقطة نهاية المتجه النقطة أربعة وتمنية، يعني هيكون عندنا أربعة في اتجاه س، زائد تمنية في اتجاه ص، ناقص … نقطة بداية المتجه هي النقطة اتنين وسالب اتنين، يعني هيكون عندنا اتنين في اتجاه س ناقص اتنين في اتجاه ص؛ يعني المتجه هيساوي أربعة في اتجاه س زائد تمنية في اتجاه ص ناقص اتنين في اتجاه س زائد اتنين في اتجاه ص.

يعني المتجه هيساوي … بالنسبة لاتجاه س، هنلاحظ إن عندنا أربعة ناقص اتنين، يعني هيكون عندنا اتنين في اتجاه س؛ وبالنسبة للاتجاه ص، هنلاحظ إن عندنا تمنية زائد اتنين، يعني هيكون عندنا عشرة في اتجاه ص؛ وبالتالي المتجه هيكون اتنين في الاتجاه س زائد عشرة في اتجاه ص.